Friendship Day 2023: ચાર મહિનાના સમયગાળામાં ૨૭૯૫ ફુટ ૯ ઇંચ લાંબું બ્રેસલેટ તૈયાર થયું હતું
વિશ્વનું સૌથી લાંબું ફ્રેન્ડશિપ
ટેક્સસની એલિમેન્ટરી સ્કૂલના સ્ટુડન્ટ્સે ચાર મહિનામાં વિશ્વનું સૌથી લાંબું ફ્રેન્ડશિપ (Friendship Day 2023) બ્રેસલેટ બનાવીને ગિનેસ વર્લ્ડ રેકૉર્ડ કર્યો છે.
મેકિન્ની ઇન્ડિપેન્ડન્ટ સ્કૂલ ડિસ્ટ્રિક્ટે જણાવ્યું કે વૅલી ક્રીક એલિમેન્ટરી સ્કૂલના સ્ટુડન્ટ્સે સાતમી નવેમ્બરે વણાટકામ દ્વારા રિબન બ્રેસલેટ બનાવવાની શરૂઆત કરી હતી, જે ત્રીજી માર્ચે પૂરું થયું હતું. ચાર મહિનાના સમયગાળામાં ૨૭૯૫ ફુટ ૯ ઇંચ લાંબું બ્રેસલેટ તૈયાર થયું હતું.
ADVERTISEMENT
રિબન બ્રેસલેટના કલર્સની પસંદગી ફૌબિયન મિડલ સ્કૂલ અને મેકિન્ની હાઈ સ્કૂલ માટેના શાળાના રંગને પ્રતિબિંબિત કરે છે. આ બ્રેસલેટને સ્કૂલ ડિસ્ટ્રિક્ટના ફુટબૉલના મેદાન પર પાથરવામાં આવ્યું હતું તથા અન્ડરવુડ ડ્રાફ્ટિંગ ઍન્ડ સર્વેઇંગના ક્રૂ દ્વારા માપવામાં આવ્યું હતું. આ અગાઉનો સૌથી લાંબા રિબન બ્રેસલેટનો રેકૉર્ડ ૨૧૬૬ ફુટ ૧૧ ઇંચનો હતો. આ આખી પ્રક્રિયાને સ્ટુડન્ટ્સે ખૂબ એન્જોય કરી હતી.
