સોફી મૌરે નામની એક સોશ્યલ મીડિયા ઇન્ફ્લુએન્સરે કથિત રીતે પોતાની સાથે લગ્ન કર્યા બાદ માત્ર ૨૪ કલાકમાં છૂટાછેડાની કાર્યવાહી શરૂ કરી દીધી છે
પોતાની જાત સાથે લગ્નના ૨૪ કલાકમાં ડિવૉર્સ માટે કાર્યવાહી શરૂ કરી
સોફી મૌરે નામની એક સોશ્યલ મીડિયા ઇન્ફ્લુએન્સરે કથિત રીતે પોતાની સાથે લગ્ન કર્યા બાદ માત્ર ૨૪ કલાકમાં છૂટાછેડાની કાર્યવાહી શરૂ કરી દીધી છે.
ટ્વિટર અને ઇન્સ્ટાગ્રામ પર પાંચ લાખ કરતાં વધુ ફૉલોઅર્સ ધરાવતી ૨૫ વર્ષની સોફી મૌરેએ ૧૯ ફેબ્રુઆરીએ જાત સાથે લગ્નની જાહેરાત કર્યા બાદ પોતાને માટે લગ્ન માટેનો ડ્રેસ પણ ખરીદ્યો હતો અને કેક પણ બનાવી હતી. કેટલાક લોકોએ તેના આ વિચારને સમર્થન આપ્યું હતું, તો વળી કેટલાકે તેને લોકોનું ધ્યાન આકર્ષિત કરવાનો કીમિયો ગણાવ્યો હતો.
ADVERTISEMENT
ફૉલોઅર્સના મિશ્ર પ્રતિભાવ વચ્ચે જાત સાથે લગ્ન કરનાર સોફી મૌરે જોકે માત્ર ૨૪ કલાકમાં પોતાની કંપનીમાં કંટાળી ગઈ હોય એમ તેણે ૨૦ ફેબ્રુઆરીએ છૂટાછેડાની કાર્યવાહી શરૂ કર્યાની જાહેરાત કરતાં નેટિઝન્સ સ્તબ્ધ થઈ ગયા હતા.
