કેન્દ્રપાડા જિલ્લાના ડેરાબિશ બ્લૉકમાં મહિલા અને બાળ વિકાસ વિભાગમાં નોકરી કરતી ૨૬ વર્ષની વર્ષા પ્રિયદર્શિનીએ આ માટે બાળ વિકાસ પ્રોજેક્ટ ઑફિસર સ્નેહલતા સાહુ પર આરોપ મૂક્યો છે
પ્રતીકાત્મક તસવીર
ઓડિશામાં મહિલા સરકારી કર્મચારીનું બાળક ગર્ભમાં જ મૃત્યુ પામ્યું હતું. કેન્દ્રપાડા જિલ્લાના ડેરાબિશ બ્લૉકમાં મહિલા અને બાળ વિકાસ વિભાગમાં નોકરી કરતી ૨૬ વર્ષની વર્ષા પ્રિયદર્શિનીએ આ માટે બાળ વિકાસ પ્રોજેક્ટ ઑફિસર સ્નેહલતા સાહુ પર આરોપ મૂક્યો છે. વર્ષાને ૭ મહિનાનો ગર્ભ હતો અને ૨૫ ઓક્ટોબરે ઑફિસમાં જ તેને પેટમાં દુખાવો શરૂ થયો હતો પણ વર્ષાના કહેવા પ્રમાણે તેણે પ્રોજેક્ટ ઑફિસર સહિતના અધિકારીઓને હૉસ્પિટલ લઈ જવા વિનંતી કરી હતી પણ કોઈએ તેની વાત ધ્યાનમાં ન લીધી અને બાળક ગર્ભમાં જ મૃત્યુ પામ્યું હતું. વર્ષાએ આ વિશે કલેક્ટરને લેખિત ફરિયાદ કરીને સાહુ સામે કડક કાર્યવાહી કરવાની માગણી કરી છે. નાયબ મુખ્ય પ્રધાન પ્રવતી પરિદાએ ઘટનાને ગંભીર ગણાવતાં કેન્દ્રપાડા ડિસ્ટ્રિક્ટ કલેક્ટરને વિસ્તૃત તપાસ કરવાનો આદેશ આપ્યો છે.
