લગભગ ૭ કલાક મહેનત કરીને દોઢ લાખ રૂપિયાનો આઇફોન ખોળી કાઢ્યો.
કર્ણાટકની એક મહિલાનો ફોન હાથમાંથી પડી ગયો હતો
કેરલાના બીચ પર વેકેશન માણવા ગયેલી કર્ણાટકની એક મહિલાનો ફોન હાથમાંથી પડી ગયો અને બીચ પર મૂકેલા પથ્થરો વચ્ચે ખોવાઈ ગયો હતો. તેણે જાતે પથ્થરમાં ફસાયેલા ફોનને કાઢવાની કોશિશ કરી પણ એમાં તે નિષ્ફળ ગઈ હતી, પરંતુ તે જે રિસૉર્ટમાં રોકાયેલી ત્યાંના સ્ટાફે ઠાની લીધું કે આઇફોન પાછો મેળવીને જ રહેવું છે. તેમણે કેરલાની પોલીસ અને ફાયર ઍન્ડ રેસ્ક્યુ ડિપાર્ટમેન્ટની મદદ લીધી અને બધાએ લગભગ ૭ કલાક મહેનત કરીને દોઢ લાખ રૂપિયાનો આઇફોન ખોળી કાઢ્યો. આ રિસૉર્ટવાળાએ કઈ રીતે આઇફોન શોધાયો એનો વિડિયો ઇન્સ્ટાગ્રામ પર મૂક્યો હતો.
