ગુફાઓથી પરિચિત ભૂસ્તરશાસ્ત્રીએ કહ્યું કે રંગોની વિવિધતા બહુવિધ પ્રકાશની અસરોને કારણે છે.
માઉન્ટ રેઇનિયર નૅશનલ પાર્કમાં આવેલી બરફની ગુફા
અમેરિકાના વૉશિંગ્ટન સ્ટેટમાં આવેલા માઉન્ટ રેઇનિયર નૅશનલ પાર્કમાં આવેલી બરફની ગુફાઓમાં સર્જાતા મેઘધનુષના શાનદાર ફોટો વાઇરલ થયા હતા. ત્યાર બાદ આ ગુફાઓની મુલાકાત લેવા માગતા પ્રવાસીઓને નૅશનલ પાર્ક દ્વારા ચેતવણી આપવામાં આવી છે કે બરફ તેમ જ ખડક પડવાની ઘટનાને કારણે આવું સાહસ કરનારાઓને ગંભીર ઈજા પહોંચી શકે છે. બરફની ગુફામાં સર્જાતા આ મેઘધનુષનો ફોટો મૅથ્યુ નિકોલસ નામના ફોટોગ્રાફરે લીધો છે. ગુફાઓથી પરિચિત ભૂસ્તરશાસ્ત્રીએ કહ્યું કે રંગોની વિવિધતા બહુવિધ પ્રકાશની અસરોને કારણે છે. ફોટોના લાલ રંગને તરબૂચના બરફ તરીકે પણ ઓળખવામાં આવે છે. આ લાલ રંગની શેવાળને કારણે છે. વળી ભૂરો, લીલો અને જાંબલી બરફના સ્ફટિકમાંથી બને છે. આ દૃશ્ય એટલું સુંદર છે છતાં એનપીએસના અધિકારીઓ પ્રવાસીઓને આ બરફની ગુફાઓમાં જવાની ના પાડે છે. માઉન્ટ રેઇનિયર નૅશનલ પાર્ક આવી બરફની ગુફાઓ માટે જાણીતો છે. ૧૯૮૦માં બરફ તથા ખડક પડવાની ઘટનાને કારણે આ બરફની ગુફાને પ્રવાસીઓ માટે બંધ કરી દેવામાં આવી હતી. ૨૦૧૦માં નજીકના માઉન્ટ બેકરમાં બરફની ગુફામાં ખડકો પડી જવાથી ૧૧ વર્ષની બાળકીનું મૃત્યુ થયું હતું.
