Pakistan found gold reserve: પંજાબના ભૂતપૂર્વ ખાણકામ મંત્રી ઇબ્રાહિમ હસન મુરાદે ૧૦ જાન્યુઆરીના રોજ જાહેર કરેલા એક નિવેદનમાં એવો દાવો કર્યો હતો કે 32 કિલોમીટરના વિસ્તારમાં ફેલાયેલ એટોકમાં 800 અબજ પાકિસ્તાની રૂપિયા મૂલ્યનું 28 મિલિયન તોલા સોનું મળ્યું.
પ્રતીકાત્મક ફાઇલ તસવીર
પહેલેથી જ બેરોજગારી દર અને આર્થિક કટોકટીનો સામનો કરી રહેલા પાડોશી દેશ પાકિસ્તાનના હાથે મોટો ખજાનો લાગ્યો હોય એવો દાવો ખુદ ત્યાંના એક મંત્રીએ કર્યો છે. પંજાબના ભૂતપૂર્વ ખાણકામ મંત્રી ઇબ્રાહિમ હસન મુરાદે ૧૦ જાન્યુઆરીના રોજ જાહેર કરેલા એક નિવેદનમાં એવો દાવો કર્યો હતો કે 32 કિલોમીટરના વિસ્તારમાં ફેલાયેલ એટોકમાં 800 અબજ પાકિસ્તાની રૂપિયા મૂલ્યનું 28 મિલિયન તોલા સોનું મળી આવ્યું છે.
પાકિસ્તાનના આ મંત્રીએ નિવેદનમાં વધુમાં કહ્યું હતું કે “પાકિસ્તાનના ભૂસ્તરશાસ્ત્રીય સર્વેક્ષણે 127 સ્થળો પરથી સંપૂર્ણ નમૂના લીધા છે અને આ સીમાચિહ્નરૂપ પાકિસ્તાનની ખનિજ સંપત્તિને અનલૉક કરવા, આર્થિક પુનરુત્થાન અને ભાવિ પેઢીઓ માટે નવી તકો સ્થાપિત કરવા તરફ એક મહત્ત્વપૂર્ણ પગલું છે. પાકિસ્તાનમાં અર્થતંત્રની વર્તમાન પરિસ્થિતિ મંદીમાં છે કારણ કે દેશ તેની જરૂરિયાતોને પૂર્ણ કરવા માટે આંતરરાષ્ટ્રીય ભંડોળ એજન્સીઓ પાસેથી બેલઆઉટ પેકેજો અને લોન માગી રહ્યો છે. વર્તમાન સરકાર અને ઇમરાન ખાનની પાર્ટી, પીટીઆઈ અર્થતંત્રની નબળી સ્થિતિ અંગે મતભેદમાં છે.
ADVERTISEMENT
પાકિસ્તાનનું એટક શહેર પંજાબ રાજ્યની સરહદ પર આવેલું છે. આ શહેરની નજીક ખૈબર પખ્તુનખ્વા રાજ્ય આવેલું છે, જ્યાં પાકિસ્તાની તાલિબાન લાંબા સમયથી આતંકવાદી ઘટનાઓને અંજામ આપી રહ્યા છે. આ સિવાય અફઘાન તાલિબાન ખૈબર પખ્તુનખ્વાથી લઈને એટોક સુધીની સરહદને પણ વિવાદિત માને છે. તાજેતરમાં, ખાને પાકિસ્તાન સરકાર પર પ્રહાર કરતા કહ્યું કે જ્યાં સુધી વર્તમાન સરકાર સત્તા પર છે ત્યાં સુધી આર્થિક પ્રગતિ ક્યારેય થઈ શકતી નથી. તેમણે કહ્યું કે આર્થિક સમૃદ્ધિ માટે રોકાણની જરૂર છે, અને ઉમેર્યું કે તે ત્યારે જ શક્ય છે જ્યારે સંસ્થાઓ બંધારણ દ્વારા નિર્ધારિત તેમની સીમાઓ અને જવાબદારીઓનું પાલન કરે. તેમણે એ પણ ભાર મૂક્યો કે પાકિસ્તાનમાં વધી રહેલા આતંકવાદે રોકાણકારોના વિશ્વાસને પણ ન ભરવાપાત્ર નુકસાન પહોંચાડ્યું છે.
Attock’s Gold: A 800 Billion PKR Treasure Revealed
— Ibrahim Hasan Murad (@ibrahimhmurad) January 10, 2025
Former Mining Minister of Punjab, Ibrahim Hasan Murad, has unveiled a groundbreaking discovery: 2.8 million tolas of gold, valued at 800 billion PKR, spread across a 32-kilometer stretch in Attock. This revelation, validated by… pic.twitter.com/kmyv9QnvGx
ચીનમાં પણ મળી આવ્યો હતો સોનાનો ભંડાર
ચીનના હુનાન પ્રાંતમાં પણ સોનાનો ભંડાર મળી આવ્યો હતો અને એમાં આશરે ૭ લાખ કરોડ રૂપિયાનું સોનું હોવાનું માનવામાં આવી રહ્યું છે. હાલમાં નબળી પડેલી ચીનની ઇકૉનૉમી અને નબળા પડી રહેલા ચીનના ચલણ યુઆનને સોનાનો આ ભંડાર સહારો આપી શકે એમ છે. આ સંદર્ભમાં ચીનના ‘સાઉથ ચાઇના મૉર્નિંગ પોસ્ટ’ ન્યુઝપેપરમાં આપવામાં આવેલા અહેવાલ મુજબ હુનાન પ્રાંતની પિંગજિયાંગ કાઉન્ટીમાં વાંગુ નામની સોનાની ખાણો છે. અહીં આશરે ૪૦થી વધારે ખાણ મળી આવી છે જે જમીનથી માત્ર ૨૦૦૦ મીટર નીચે છે. અહીં એક ટન માટીમાંથી ૧૩૮ ગ્રામ સોનું મળે છે અને એ સારી વાત ગણવામાં આવે છે. ખાણના મુખ્ય ક્ષેત્રમાં હાલમાં આશરે ૩૦૦.૨ ટન સોનાનો ભંડાર છે, પણ જે નવી ખાણોની શોધ થઈ છે એમાં આશરે ૧૦૦૦ ટન સોનું હોવાનું માનવામાં આવી રહ્યું છે અને એની કિંમત ૬૦૦ અબજ યુઆન (આશરે ૭ લાખ કરોડ રૂપિયા) છે.
