મિકન પહેલાંથી જ યુટ્યુબ પર સેલિબ્રિટી છે અને ઇન્સ્ટાગ્રામ પર એના ૫૪,૦૦૦થી વધુ ફૉલોઅર્સ છે.
મિકન નામની બિલાડી
ચોતરફથી નેગેટિવ ન્યુઝ વચ્ચે પૉઝિટિવ રહેવું ખૂબ મુશ્કેલ છે, પણ ફિકર નૉટ, કારણ કે તમારા ચહેરા પર સ્મિત લાવી શકે એવા આ ન્યુઝ છે. અહીં વાત મિકન નામની બિલાડીની છે, જેની તાઇવાનના એક મેટ્રો સ્ટેશનના ઓનરરી સ્ટેશન-માસ્ટર તરીકે નિમણૂક કરવામાં આવી છે. કાઓસિયુંગ મેટ્રોની ૧૫ વર્ષ સર્વિસના સેલિબ્રેશન માટે આ વિશેષ નિમણૂક કરવામાં આવી છે. મિકન પહેલાંથી જ યુટ્યુબ પર સેલિબ્રિટી છે અને ઇન્સ્ટાગ્રામ પર એના ૫૪,૦૦૦થી વધુ ફૉલોઅર્સ છે. આ બિલાડી સિયાઓટૌ શુગર રિફાઇનરી મેટ્રો સ્ટેશન પર ઓનરરી સ્ટેશન-માસ્ટર છે.
