અગાઉ આ રેકૉર્ડ ઑસ્ટ્રેલિયાના ડૅનિયલ સ્કાલીના નામે હતો જે ૯ કલાક ૩૦ મિનિટ અને ૧ સેકન્ડ ઍબ્ડોમિનલ પ્લાન્ક પોઝિશનમાં રહ્યા હતા
જોસેફ સાલેક
ઍબ્ડોમિનલ પ્લાન્ક કસરતની એક એવી પોઝિશન છે જેમાં વ્યક્તિ હાથના બળે માત્ર પગના પંજાનો ટેકો લઈને શરીરને જમીનથી ઉપર રાખે છે. આ કસરતની એક એવી પોઝિશન છે
જેમાં ભાગ્યે જ કોઈ થોડી મિનિટ પણ ટકી રહી શકે. તો આ પોઝિશનમાં દિવસના કામના કલાકો કરતાં પણ વધુ સમય રહેવાની તો વાત જ કરવી અસ્થાને છે. જોસેફ સાલેક નામના એક વ્યક્તિએ સૌથી વધુ સમય ઍબ્ડોમિનલ પ્લાન્ક પોઝિશનમાં રહીને વર્લ્ડ રેકૉર્ડ બનાવ્યો છે. આ ભાઈ કુલ ૯ કલાક ૩૮ મિનિટ અને ૪૭ સેકન્ડ ઍબ્ડોમિનલ પ્લાન્ક પોઝિશનમાં રહ્યા હતા. આ અગાઉ આ રેકૉર્ડ ઑસ્ટ્રેલિયાના ડૅનિયલ સ્કાલીના નામે હતો જે ૯ કલાક ૩૦ મિનિટ અને ૧ સેકન્ડ ઍબ્ડોમિનલ પ્લાન્ક પોઝિશનમાં રહ્યા હતા. જોસ્કા નામે ઓળખાતા થેરપિસ્ટ, લેક્ચરર અને પર્સનલ ડેવલપમેન્ટ કોચ જોસેફ સાલેક ૨૦ મેએ શેઝ રિપબ્લિકના પિલસેનની પાર્ક હોટેલમાં યોજાયેલા અવતાર ફેસ્ટિવલમાં આ પડકાર ઉઠાવ્યો હતો.
