હંસપાલન માટે આ ભાઈએ માઇક્રોસૉફ્ટની નોકરી છોડી દીધી

આ વ્યક્તિનો લિન્ક્ડઇન પ્રોફાઇલ વાઇરલ થયો છે એ મુજબ તેણે હ્યુલેટ પૅકાર્ડ (HP) સાથે ૭ વર્ષ અને માઇક્રોસૉફ્ટ કંપનીમાં બાવીસ વર્ષ કામ કર્યું હતું

પ્રતીકાત્મક તસવીર

લોકો પોતાના પૅશન માટે સારા પગારની નોકરી છોડી દે એવા કિસ્સા ઘણા બન્યા હશે, પણ એક વ્યક્તિનું પૅશન સોશ્યલ મીડિયા પર ચર્ચાનો વિષય બન્યું છે. ફેંગ યુઆન નામના માણસે ગૂઝ (હંસ) ફાર્મિંગ માટે માઇક્રોસૉફ્ટની નોકરી છોડી દીધી હતી. આ વ્યક્તિનો લિન્ક્ડઇન પ્રોફાઇલ વાઇરલ થયો છે એ મુજબ તેણે હ્યુલેટ પૅકાર્ડ (HP) સાથે ૭ વર્ષ અને માઇક્રોસૉફ્ટ કંપનીમાં બાવીસ વર્ષ કામ કર્યું હતું. ત્યાર બાદ ફુલટાઇમ હંસપાલન માટે તેણે માઇક્રોસૉફ્ટની જૉબને બાય-બાય કરી દીધું હતું. એક સોશ્યલ મીડિયા યુઝરે કહ્યું કે આ વ્યક્તિ પોતાનું સપનું જીવી રહ્યો છે, તો બીજી વ્યક્તિએ ટાપસી પૂરી કે હા અકાઉન્ટમાં કરોડો રૂપિયા પડ્યા હોય તો પૅશન ફૉલો કરી શકાય.