અહીં ૧૨ ફેબ્રુઆરીએ લિમિટેડ સંખ્યામાં ગેસ્ટ્સને આ ખાસ ઑફર આપી રહ્યું છે.
તમે ભૂત સાથે રોમૅન્સ કરવા તૈયાર છો?
જો તમે આ વૅલેન્ટાઇન્સ ડેએ કંઈક અલગ અનુભવ કરવા ઇચ્છતા હો તો તમારે લંડન જવું પડશે. ટૂરિસ્ટ્સના આકર્ષણનું કેન્દ્ર લંડન કેદખાનું ભૂતની સાથે ગૅરન્ટેડ ડેટનો ચાન્સ ઑફર કરી રહ્યું છે. ઇન શૉર્ટ ભૂતિયાપંતી બધી જ જગ્યાએ છે. આ લંડન કેદખાનું આ વૅલેન્ટાઇન્સ ડેએ આ પ્રકારની પહેલી ‘ભૂતિયા સર્વિસ’ ઑફર કરવાનો દાવો કરી રહ્યું છે. અહીં ૧૨ ફેબ્રુઆરીએ લિમિટેડ સંખ્યામાં ગેસ્ટ્સને આ ખાસ ઑફર આપી રહ્યું છે.
લંડન કેદખાનાના પ્રવક્તાની વાતો સાંભળીને એમાં કોઈ લૉજિક હોવાનું માનવું મુશ્કેલ છે. જોકે એવા પણ લોકો છે જેઓ આવી વાતોમાં માને છે. આ પ્રવક્તાએ જણાવ્યું કે ‘ભૂત સાથે ડેટિંગ કરવાનો અનુભવ સાવ અલગ જ રહેશે. આ વૅલેન્ટાઇન્સ ડેએ લંડન કેદખાનું ડેટ માટે નવી રીત ઑફર કરે છે. મૉડર્ન ડેટિંગના સ્ટ્રેસને ભૂલી જાઓ. ટિન્ડર બંધ કરી દો અને લવ મેળવવા માટે ભૂતિયા રીત ટ્રાય કરો. ગેસ્ટ્સ કદાચ આપણા ઇતિહાસના સૌથી સુંદર લોકો સાથે ફરીથી કનેક્ટ થઈ શકે છે.’
ADVERTISEMENT
પોતે આત્માઓ સાથે કમ્યુનિકેશન કરતી હોવાનો દાવો કરનાર મૅડમ સેલેસ્ટે લંડન કેદખાનામાં ૧૨ ફેબ્રુઆરીએ બપોરે ૧૨થી ૨ વાગ્યા દરમ્યાન રહેશે. સેલેસ્ટેએ દાવો કર્યો છે કે તે ૧૮ વર્ષથી વધારે ઉંમરના લકી ગેસ્ટ્સને આત્માની દુનિયા સાથે જોડશે. તે પોતાની શક્તિથી એ લોકોને બોલાવશે જેમની સાથે તેમનો ગયા જન્મમાં પ્રેમસંબંધ હતો.
