અભિષેક તરીકે ઓળખાયેલા આ કસૂરવાર ડૉક્ટરને રાજ્ય સરકારે નોટિસ મોકલી હતી.
પ્રતીકાત્મક તસવીર
સરકારી હૉસ્પિટલના ઑપરેશન થિયેટરમાં લગ્ન પૂર્વેનો ફિઆન્સી સાથેનો વિડિયો શૂટ કરનાર કર્ણાટકના એક ડૉક્ટરે નોકરી ગુમાવી દીધી છે. અભિષેક તરીકે ઓળખાયેલા આ કસૂરવાર ડૉક્ટરને રાજ્ય સરકારે નોટિસ મોકલી હતી. આ વિડિયો વાઇરલ થયા બાદ ડૉક્ટર સામે પગલાં લેવામાં આવ્યાં હતાં. ફુટેજમાં જોવા મળે છે કે ડૉ. અભિષેક દરદી પર સર્જરી કરે છે, જ્યારે તેની પાર્ટનર ડૉક્ટરને મદદ કરે છે. ડૉક્ટર અને તેની પાર્ટનર મેડિકલ ઇક્વિપમેન્ટ્સથી સજ્જ છે, જ્યારે બૅકગ્રાઉન્ડમાં લાઇટિંગની વ્યવસ્થા કરવામાં આવી હોવાનું જોવા મળે છે.
લગ્ન પૂર્વેના ફોટોશૂટનો વિષય મેડિકલ કામગીરીની આસપાસ ગૂંથાયેલો હોવાનું જણાય છે, કેમ કે વિડિયોના અંતે ઑપરેશન બાદ દરદી બેઠો થઈ જાય છે અને હસે છે.