કંપનીએ કર્મચારીઓને સ્પષ્ટ સંદેશો આપ્યો છે કે જો તમે હસતા રહેશો તો જ કસ્ટમર્સ જાળવી શકશો અને તો જ તમારી જૉબ પણ.
પ્રતીકાત્મક તસવીર (સૌજન્ય: મિડજર્ની)
જપાનની કેટલીક કંપનીઓ કર્મચારીઓના પ્રોફેશનલ અપ્રોચને લઈને એટલી ગંભીર છે કે ન પૂછો વાત. AEON નામની જૅપનીઝ સુપરમાર્કેટ ચેઇનના કર્મચારીઓ રોજ કેટલું હસતું મોઢું રાખે છે એ આર્ટિફિશ્યલ ઇન્ટેલિજન્સ (AI) સિસ્ટમ દ્વારા માપે છે. કંપનીએ કર્મચારીઓને સ્પષ્ટ સંદેશો આપ્યો છે કે જો તમે હસતા રહેશો તો જ કસ્ટમર્સ જાળવી શકશો અને તો જ તમારી જૉબ પણ. AIનાં વિશ્વભરમાં ૨૫૦થી વધુ આઉટલેટ્સ છે, પણ અત્યારે ૮ આઉટલેટ્સના ૩૫૦૦ કર્મચારીઓ પર આ પ્રયોગ થયો છે અને તેમને હસતું મોઢું રાખવાનું કહેવામાં આવ્યું છે. પહેલી જુલાઈથી આઠ આઉટલેટ પર આ સિસ્ટમ બેસાડવામાં આવી છે જે રોજ કર્મચારી કેટલા કલાક સ્માઇલિંગ ફેસ સાથે કામ કરે છે એ નોંધે છે. આ સિસ્ટમમાં ચહેરાના હાવભાવ, અવાજનો ટોન જેવાં લગભગ ૪૦૦ પ્રકારનાં એલિમેન્ટ્સ માપે છે. જોકે એને કારણે હવે કર્મચારીઓના સ્વાસ્થ્ય પર કરવામાં આવતા આવા દબાણ બાબતે ડિબેટ શરૂ થઈ ગઈ છે.
