આઇએફએસ ઑફિસર સુસંતા નંદા ટ્વિટર પર ખૂબ ઍક્ટિવ છે અને પ્રાણીઓને સંબંધિત અમેઝિંગ વિડિયો પોસ્ટ કરતા રહે છે
ગેંડા બિલ્ડિંગમાં લટાર મારવા નીકળ્યા
ગેંડા જેવા શક્તિશાળી પ્રાણીને જોઈને કોઈ પણ ડરી જાય. હાલમાં સોશ્યલ મીડિયા પર ગેંડાઓનો એક વિડિયો વાઇરલ થઈ રહ્યો છે, જેમાં બે ગેંડા એક બિલ્ડિંગમાં લટાર મારતા જોવા મળ્યા હતા. આઇએફએસ ઑફિસર સુસંતા નંદા ટ્વિટર પર ખૂબ ઍક્ટિવ છે અને પ્રાણીઓને સંબંધિત અમેઝિંગ વિડિયો પોસ્ટ કરતા રહે છે. રિસન્ટલી તેમણે બે ગેંડાનો આ વિડિયો શૅર કર્યો છે. એક બિલ્ડિંગમાં બે ગેંડાના આ વિડિયોને શૅર કરતાં નંદાએ કૅપ્શન આપી હતી, ‘તમે ‘એલિફન્ટ્સ ઇન ધ રૂમ’ (એક કહેવત એટલે કે એક ચોક્કસ પ્રૉબ્લેમ કે મુશ્કેલ સ્થિતિ જેના વિશે લોકો વાત કરવા ઇચ્છતા નથી) વિશે સાંભળ્યું હશે, પરંતુ નેપાલમાં આવેલા ચિતવન નૅશનલ પાર્કમાં આ વિશાળ ગેંડાને રૂમમાં ટહેલતા જુઓ.’
