ઑક્શનમાં ખરીદદારોએ મગરને પકડવા, તોલવા અને ઊંચકીને ટ્રાન્સપોર્ટ કરીને પોતાને ત્યાં લઈ જવાનો ખર્ચ અલગથી ઉઠાવવો પડશે.
ઑક્શનમાં ખરીદદારોએ મગરને પકડવા
ચીનના ગુઆંગડોન્ગ પ્રાંતના હૉન્ગ્યી ક્રૉકોડાઇલ ઇન્ડસ્ટ્રી કંપની પર નાણાકીય દેવું વધી જવાથી એ કંપની અંતર્ગત ઉછેરાતા મગરમચ્છોને વેચીને એ નાણાં ભરપાઈ કરવાનો ચીની કોર્ટે ઑર્ડર આપ્યો છે. આ માટે અલીબાબા જુડિશ્યલ ઑક્શન પ્લૅટફૉર્મ પર મગરોનું ઑક્શન થઈ રહ્યું છે. આ ક્રૉકોડાઇલ કંપનીની શરૂઆત ૨૦૦૫માં મો જુનરૉન્ગ નામના માણસે કરી હતી. જુનરૉન્ગ એક સમયે ચીનમાં ક્રૉક્રોડાઇલ ગૉડ કહેવાતો હતો. તેની કંપનીને પાંચ કરોડ યુઆન એટલે કે લગભગ ૫૮.૬ કરોડ રૂપિયાની ખોટ જવાથી બૅન્કે તેની સંપત્તિ જપ્ત કરી લીધી છે. આ સંપત્તિમાં ૧૦૦ ટનના મગરમચ્છો પણ છે. ૧૦ માર્ચે શરૂ થયેલું મગરોનું ઑક્શન ૯ મે સુધી એટલે કે બે મહિના સુધી ચાલશે. આ ઑક્શનમાં ખરીદદારોએ મગરને પકડવા, તોલવા અને ઊંચકીને ટ્રાન્સપોર્ટ કરીને પોતાને ત્યાં લઈ જવાનો ખર્ચ અલગથી ઉઠાવવો પડશે. આ મગર એ જ ખરીદી શકશે જેમની પાસે મગર ખરીદવાનું લાઇસન્સ હશે.
