શુક્રવારે રમાયેલી મૅચમાં બ્રાઝિલની ટીમ ક્રોએશિયા સામે હારી ગઈ હતી
બ્રાઝિલના એક પ્રશંસકે પોતાની જાતને કાચના નાના-નાના ટુકડાઓનો બનેલો એક અનોખો ડ્રેસ પહેર્યો હતો
હાલમાં કતારમાં ફિફા વર્લ્ડ કપ યોજાઈ રહ્યો છે. સેમી ફાઇનલ અને ફાઇનલની મૅચો બાકી રહી છે. કેટલાંક પરિણામોએ ચોક્કસ કેટલાક ફુટબૉલ ચાહકો અને સમર્થકોને દંગ કરી દીધા છે. રસપ્રદ મૅચો દરમ્યાન ફુટબૉલ ચાહકો તેમનો ઉત્સાહ અલગ રીતે વ્યક્ત કરે છે. તાજેતરમાં બ્રાઝિલના એક સમર્થકનો વિડિયો આવ્યો હતો, જેણે પોતાની ટીમનું સમર્થન અનોખી રીતે કર્યું હતું. આ ક્લિપ ઘણી વાઇરલ થઈ છે. શુક્રવારે રમાયેલી મૅચમાં બ્રાઝિલની ટીમ ક્રોએશિયા સામે હારી ગઈ હતી, પરંતુ બ્રાઝિલની ટીમના પ્રશંસકો સૌથી અનોખા હોય છે. બ્રાઝિલના એક પ્રશંસકે પોતાની જાતને કાચના નાના-નાના ટુકડાઓનો બનેલો એક અનોખો ડ્રેસ પહેર્યો હતો. એ ચાલતો હતો ત્યારે જાણે કોઈ ઍનિમિશન કૅરૅક્ટર હોય એવો ભાસ થતો હતો. તેના હાથમાં વર્લ્ડ કપની ટ્રોફી હતી અને લોકો તેની સાથે સેલ્ફી પડાવતા હતા. બૅકગ્રાઉન્ડમાં કતારનું ફુટબૉલ સ્ટેડિયમ હતું. એક યુઝરે તેને વર્લ્ડ કપના ઇતિહાસનો અત્યાર સુધીનો સૌથી શ્રેષ્ઠ ડ્રેસ ગણાવ્યો હતો. જાણે તે કોઈ કમ્પ્યુટર સિમ્યુલેશનમાંથી બહાર આવ્યો હોય એવું લાગતું હતું. અન્ય એક યુઝરે કહ્યું કે આ આઇડિયાની પેટન્ટ કરાવી લઈને વેચવી જોઈએ.
