Baby Cobra Bath : સોશિયલ મીડિયામાં વાયરલ થયેલા વીડિયોમાં એક હિંમતવાન માણસ ડઝનેક બેબી કોબ્રાને નવડાવતો જોવા મળી રહ્યો છે. વીડિયો પર ઘણી પ્રતિક્રિયાઓ આવી રહી છે.
સૌજન્ય : યુટ્યુબ
સોશિયલ મીડિયા પર અવારનવાર ખતરનાક સાપ અને કિંગ કોબ્રા (Baby Cobra Bath)ના વીડિયો સામે આવતા હોય છે. કિંગ કોબ્રાના વીડિયો તો સોશિયલ મીડિયા પર ખૂબ જ વાયરલ થાય છે. ક્યારેક ટોયલેટ સીટની અંદર કોબ્રા છુપાયેલો જોવા મળે છે, તો ક્યારેક શાવર પર લટકતો સાપ જોવા મળે છે.
તાજેતરમાં જ ઈન્ટરનેટ પર એક વીડિયોએ ધૂમ મચાવી છે. આ ધૂમ મચાવનાર વીડિયોમાં એક હિંમતવાન માણસ ડઝનેક બેબી કોબ્રાને નવડાવતો (Baby Cobra Bath) જોવા મળી રહ્યો છે. આ કોઈ એક સાપની વાત નથી પરંતુ અહીં ઘણાબધા કિંગ કોબ્રા છે. જે જીવલેણ ઝેર માટે જાણીતા છે.
ADVERTISEMENT
આટલા ઝેરીલા પ્રાણી સાથે વીડિયો ઉતરવો એ કોઈ રમત વાત નથી. આ હ્રદયદ્રાવક ફૂટેજ યુટ્યુબ પર શૅર કરવામાં આવી છે. ડઝનેક જેટલા બેબી કોબ્રાને નવડાવવાના આ વીડિયોને આશ્ચર્યજનક રીતે 215,000 વખત જોવામાં આવ્યો છે અને સંખ્યા હજુ પણ વધી રહી છે. વીડિયો પર ઘણી પ્રતિક્રિયાઓ આવી રહી છે. એક દર્શકે તો આ ભયાનક વીડિયો (Baby Cobra Bath) જોતાની સાથે લખ્યું હતું કે, "આ બહુ ડરામણું છે, દોસ્ત"
આ સાથે જ બીજા એક યુઝરે જણાવ્યું હતું કે, "દોસ્ત, હું તને અંગત રીતે ઓળખતો નથી, પણ હું તારા વિશે ચિંતિત છું.” આ રીતે અનેક યુઝર્સ પેલા વીડિયોમાં દેખાઈ રહેલા માણસની ચિંતા વ્યક્ત કરી રહ્યા છે. આ વીડિયોએ તો સોશિયલ મીડિયા ઘણી અસર કરી છે. એક યુટ્યુબરે લખ્યું હતું કે,"ઓહ માય ગોડ, આ જોવું એ ખરેખર ભયજનક છે"
આખો વિડિયોમાં જીવલેણ સરિસૃપ ગણાતા કોબ્રાથી ભરેલો હતો. જો કે, આ વીડિયોમાં જે માણસ જોવા મળે છે તે ખૂબ જ શાંત દેખાતો હતો કારણ કે તેણે કેટલાક સરિસૃપ પ્રાણીઓનો પરિચય પણ કરાવ્યો હતો.
આ વીડિયોમાં સ્પષ્ટપણે જોઈ શકાય છે કે આ માણસે બેબી કોબ્રાઓને એક કાચની ટાંકીમાં રાખ્યા હતા. તેટલું જ નહીં આ માણસે બેબી કોબ્રાઓને નવડાવવા (Baby Cobra Bath) માટે ટાંકીમાં થોડું પાણી પણ ભરી દીધું હતું જેથી કોબ્રાના બચ્ચાઓ નહાઈ શકે. પછી યુટ્યુબરે દર્શકને રૂમમાં રાખવામાં આવેલા તેના અન્ય સાપ અને સરિસૃપનો પરિચય કરાવ્યો હતો.
આ વીડિયો જેવો શૅર કરવામાં આવ્યો હતો કે તરત જ વાઈરલ થઈ ગયો હતો. મોટાભાગના લોકો તો આ વીડિયોમાં જે માણસ કરતૂત કરી રહ્યો છે એ જોઈને જ ભયભીત થઈ ગયા હતા. કેટલાક લોકોએ આ માણસને હિંમતવાન ગણાવ્યો હતો. આ વીડિયો (Baby Cobra Bath) જ્યારથી શૅર કરવામાં આવ્યો છે ત્યારથી તેને અનેક વ્યુઝ મળી રહ્યા છે. આ સાથે જ નેટીઝન્સ તરફથી તેને 146K વ્યૂઝ મળ્યા છે. જે સતત હજી વધી રહ્યા છે.
