લક્ઝુરિયસ વૅન ‘અદરિયા એસ્ટેલા’ દરિયા, પર્વત કે લેક પાસે વેકેશન હોમ બની શકે છે કે પછી એ કાયમી ઘર પણ બની શકે છે
સ્લોવેનિયન મૅન્યુફૅક્ચરર અદરિયાની લક્ઝુરિયસ વૅન
સ્લોવેનિયન મૅન્યુફૅક્ચરર અદરિયા દ્વારા એક લક્ઝુરિયસ વૅન ડિઝાઇન કરવામાં આવી છે. એના વિડિયોને @eilainfortv9767 દ્વારા યુટ્યુબ પર અપલોડ કરવામાં આવ્યો છે. લક્ઝુરિયસ વૅન ‘અદરિયા એસ્ટેલા’ દરિયા, પર્વત કે લેક પાસે વેકેશન હોમ બની શકે છે કે પછી એ કાયમી ઘર પણ બની શકે છે. આ વૅન ચાર જુદી-જુદી સાઇઝમાં અવેલેબલ છે. એની કિંમત ૮૦, ૦૦૦ પાઉન્ડ (લગભગ ૮૦ લાખ રૂપિયા) છે.
ADVERTISEMENT
વૅનના ફ્રેન્ચ ડોર્સ ખોલીને પગ મૂકતાં જ મોટા સોફા અને ટીવી ધરાવતો ડાઇનિંગરૂમ જોવા મળે છે. આ સોફાને બેડમાં કન્વર્ટ કરી શકાય છે. ડાઇનિંગરૂમની બાજુમાં ફુલ્લી ઇક્વિપ્ડ કિચન છે, જેમાં અવન અને ત્રણ ગૅસ કુકટૉપ્સ છે. આ વૅનમાં સૌથી આશ્ચર્યજનક બાથરૂમ છે; જ્યાં મોટો શાવર, સિન્ક અને મોટી બારી છે.
