આ સિક્કા પૈકી સૌથી જૂના ઈસવી સન પૂર્વે ૧૫૭થી ૧૫૬ વર્ષના અને સૌથી નવા ઈસવી સન પૂર્વે ૮૩થી ૮૨ વર્ષના હતા
ઇટલીના જંગલમાં મળ્યા ૨૦૦૦ વર્ષ જૂના સિક્કા
તાજેતરમાં ઇટલીના ટસ્કની પ્રાંતમાં કપાયેલા જંગલની નજીકથી જઈ રહેલા પુરાતત્ત્વવાદીઓના એક ગ્રુપે જમીનમાં ચળકતી વસ્તુ જોઈ. થોડી ખણખોદ કરતાં ૨૦૦૦ વર્ષ જૂના ચાંદીના ૧૭૫ સિક્કા એક માટીના ઘડામાં છુપાવાયેલા મળી આવ્યા હતા. એ સમયે કીમતી વસ્તુઓ સંતાડવાનો આ એકમાત્ર માર્ગ હતો, જેમાં કીમતી વસ્તુઓને ઘરથી દૂર જંગલમાં જમીનની નીચે સંતાડવામાં આવતી હતી. આ સિક્કા પૈકી સૌથી જૂના ઈસવી સન પૂર્વે ૧૫૭થી ૧૫૬ વર્ષના અને સૌથી નવા ઈસવી સન પૂર્વે ૮૩થી ૮૨ વર્ષના હતા. બે સિક્કા ખંડિત છે, તો બાકીના સારી હાલતમાં છે.
આ પણ વાંચો : પડછાયાએ પણ છોડ્યો સાથ
ADVERTISEMENT
પુરાતત્ત્વવિદોના જણાવ્યા પ્રમાણે ૧૭૫ સિક્કા રોમન સૈનિકોનો એક વર્ષનો કે ૬ મહિનાનો પગાર હોઈ શકે છે. ભલે આજે એની કિંમત ૨૦,૦૦૦થી ૨૫,૦૦૦ યુરો (અંદાજે ૧૭થી ૨૨ લાખ રૂપિયા) હોઈ શકે છે. તેમના મતે એ સમય અશાંતિનો હતો. એક તરફ રોમન પોતાના પાડોશી ઇટલી સાથે યુદ્ધ લડતું હતું, તો બીજી તરફ તેમના જ એક જનરલે રોમન રિપબ્લિક સામે આક્રમણ કર્યું હતું. સૈનિકોએ એ ક્ષેત્રનો કબજો તો લીધો હતો અને ત્યાંથી આગળ વધ્યા હતા, પરંતુ એ પ્રદેશ જીતી શક્યા નહોતા. સૈનિકો અહીં આ રકમ દાટીને ગયા હશે અને પાછા ફરતી વખતે લઈ જઈશું એવું નક્કી કર્યું હશે, પણ તેઓ પાછા ફરી શક્યા નહોતા. આ સિક્કા પાછળ એક કરુણ કહાની છે. કોઈ સૈનિક આ રકમની મદદથી ખેતરમાં ખેતી કરવા માગતો હશે કે અન્ય કોઈ કારણ હોઈ શકે છે. જોકે ઇતિહાસકારો આ વાતને માનતા નથી. તેમના મતે અશાંતિના સમયે કોઈકે આ સિક્કા સંતાડ્યા હશે.
