લગ્ન પછીના સમારોહના ભાગરૂપે ઘણા પ્રતિષ્ઠિત મહેમાનોએ નવદંપતી રાધિકા મર્ચન્ટ અને અનંત અંબાણીને આશીર્વાદ આપવા માટે `શુભ-આશીર્વાદ` ખાતે પહોંચ્યા હતા. વડાપ્રધાન નરેન્દ્ર મોદીએ અનંત અને રાધિકાને આશીર્વાદ આપ્યા હતા. તેમણે નીતા-મુકેશ અંબાણી અને શૈલા-વીરેન મર્ચન્ટને પણ શુભેચ્છા પાઠવી હતી. બૉલિવૂડની હસ્તીઓ અને ઉદ્યોગપતિઓ ઉપરાંત, દ્વારકા પીઠના શંકરાચાર્ય - જ્યોતિર્મથના સ્વામી સદાનંદ સરસ્વતી શંકરાચાર્ય - સ્વામી અવિમુક્તેશ્વરાનંદ જેવા અનેક ધાર્મિક ગુરુઓએ પણ આ પ્રસંગે હાજરી આપી હતી.