પીએમ મોદીના પ્રસ્તાવને પગલે ઓમ બિરલાએ ૧૮મી ટર્મ માટે લોકસભા સ્પીકર પર પર નિયુક્ત થયા છે. પીએમ મોદી અને રાહુલ ગાંધીએ હાથ મિલાવીને આ પ્રસંગે તેમને ઉષ્માભર્યા અભિનંદન પાઠવ્યા હતા. રાજસ્થાનના કોટાથી ત્રણ ટર્મ સાંસદ રહેલા ૬૧ વર્ષની વયના ઓમ બિરલા હવે સ્પીકર તરીકે તેમની બીજી ટર્મમાં પ્રવેશે છે. ઉલ્લેખનીય છે કે, કોંગ્રેસના બલરામ જાખડ એકમાત્ર એવા સાંસદ છે કે જેમણે લોકસભાના અધ્યક્ષ તરીકે બે સંપૂર્ણ કાર્યકાળ પૂરો કર્યો છે. ચૂંટણી પહેલા, સ્પીકર માટે એનડીએની પસંદગી એવા ભાજપના સાંસદ ઓમ બિરલાએ, તેમના નિવાસસ્થાન પર પ્રાર્થના દ્વારા આશીર્વાદ માંગ્યા હતા અને તેઓ જે ભૂમિકા નિભાવવા માટે તૈયાર છે તેના મહત્વ પર ભાર મૂક્યો હતો.
