JD(S)ના સાંસદ પ્રજ્વલ રેવન્ના સાથે સંકળાયેલા `અશ્લીલ વીડિયો` કેસ પર પ્રતિક્રિયા આપતા કર્ણાટકના પૂર્વ સીએમ અને JD(S) નેતા એચડી કુમારસ્વામીએ કહ્યું કે આરોપીઓ સામે આકરી 3 કાર્યવાહી કરવામાં આવશે. મીડિયાકર્મીઓને સંબોધતા, તેમણે કહ્યું, “અમે તેને બચાવવાના નથી, અમે આકરી કાર્યવાહી કરીશું પરંતુ સરકારની જવાબદારી વધુ છે. માત્ર એક કાકા તરીકે જ નહીં પરંતુ દેશના એક સામાન્ય માણસ તરીકે આપણે વધુ આગળ વધવાનું છે. આ એક શરમજનક મુદ્દો છે. હું કોઈ વ્યક્તિનું રક્ષણ કરતો નથી. અમે આ પ્રકારની ગેરકાયદેસર વસ્તુઓ સામે લડ્યા છીએ.
