કેન્દ્રીય ગૃહમંત્રી અમિત શાહની રાજ્યસભામાં ડૉ. બી.આર. આંબેડકર વિશેની ટિપ્પણીને લઈને રાજકીય વિવાદ સર્જાયો હતો. કૉંગ્રેસે શાહ પર ભારતીય બંધારણના ઘડવૈયા આંબેડકરનું અપમાન કરવાનો આરોપ લગાવ્યો હતો. તેના જવાબમાં ભાજપના નેતાઓએ દાવો કર્યો હતો કે વિપક્ષ એડિટેડ વીડિયોનો ઉપયોગ કરીને ખોટી માહિતી ફેલાવી રહ્યો છે. કૉંગ્રેસ અધ્યક્ષ અને વિપક્ષના નેતા મલ્લિકાર્જુન ખડગેએ અમિત શાહને તેમની ટિપ્પણી માટે માફી માંગવાની માગ કરી છે. વિરોધમાં, ઈન્ડિયા અલાયન્સના સાંસદો સંસદમાં મકર દ્વારની દીવાલો પર ચઢી ગયા હતા, પ્લેટો લઈને શાહની માફી અને રાજીનામાની માગણી કરી હતી. આ પરિસ્થિતિને કારણે સંસદ પરિસરમાં ભાજપ અને કૉંગ્રેસ વચ્ચે ઉગ્ર શાબ્દિક યુદ્ધ થયું હતું.
℃
°
°
