૧૧ વર્ષની ઉંમરે તેમણે અમેરિકામાં પહેલી વખત તબલાવાદનની કૉન્સર્ટ કરી હતી.
ઝાકિર હુસૈન
મુંબઈમાં જન્મેલા વિશ્વવિખ્યાત તબલાવાદક તેમ જ પદ્મશ્રી, પદ્મભૂષણ અને પદ્મવિભૂષણથી નવાજવામાં આવેલા ૭૩ વર્ષના ઝાકિર હુસૈને ગઈ કાલે દુનિયાને અલવિદા કહી દીધું હતું. હૃદયની બીમારીથી પીડાતા ઝાકિર હુસૈન અમેરિકાના સૅન ફ્રાન્સિસ્કોની હૉસ્પિટલમાં છેલ્લા કેટલાક સમયથી સારવાર હેઠળ હતા. ૧૯૫૧ની ૯ માર્ચે મુંબઈમાં જન્મેલા ઝાકિર હુસૈનનું પ્રાથમિક શિક્ષણ મુંબઈની માહિમમાં આવેલી સેન્ટ માઇકલ સ્કૂલમાં થયું હતું અને મુંબઈની જ સેન્ટ ઝેવિયર્સ કૉલેજમાંથી તેમણે ગ્રૅજ્યુએશન કર્યું હતું. પિતા ઉસ્તાદ અલ્લારખ્ખા કુરેશી વિખ્યાત તબલાવાદક હતા એટલે બાળપણથી જ ઉસ્તાદ ઝાકિર હુસૈનને તબલાં વગાડવાનો ગજબનો શોખ હતો. ૧૧ વર્ષની ઉંમરે તેમણે અમેરિકામાં પહેલી વખત તબલાવાદનની કૉન્સર્ટ કરી હતી.
