એક સાંધે ત્યાં તેર તૂટે જેવી કૉંગ્રેસની સ્થિતિ, દેશની સૌથીી અમીર મહિલાએ છોડી પાર્ટી

નવીન જિંદાલની માતા અને દેશની સૌથી ધનિક મહિલા સાવિત્રી જિંદાલે પણ કોંગ્રેસ છોડી દીધી છે. તેણે બુધવારે મોડી સાંજે સોશિયલ મીડિયા પર આ માહિતી આપી હતી.

પ્રતીકાત્મક તસવીર

Savitri Jindal: લોકસભા ચૂંટણી 2024 પહેલા નેતાઓના એક પક્ષમાંથી બીજા પક્ષમાં જવાની પ્રક્રિયા ચાલુ છે. તાજેતરમાં કોંગ્રેસ નેતા નવીન જિંદાલ પાર્ટી છોડીને ભાજપમાં જોડાયા હતા. ભાજપે તેમને હરિયાણાના કુરુક્ષેત્રથી પોતાના ઉમેદવાર પણ બનાવ્યા છે. હવે નવીન જિંદાલની માતા અને દેશની સૌથી ધનિક મહિલા સાવિત્રી જિંદાલે પણ કોંગ્રેસ પાર્ટી છોડી દીધી છે. તેણે બુધવારે મોડી સાંજે સોશિયલ મીડિયા પર આ માહિતી આપી હતી. મળતી માહિતી અનુસાર સાવિત્રી જિંદાલ પણ ભાજપનો ખેસ ધારણ કરશે. 

સાવિત્રી જિંદાલની કુલ સંપત્તિ બે લાખ કરોડથી વધુ છે

ADVERTISEMENT

ભારતની સૌથી અમીર મહિલાઓની યાદીમાં સાવિત્રી જિંદાલનું નામ ટોચ પર છે. તે 84 વર્ષના છે અને જિંદાલ ગ્રુપનો વિશાળ બિઝનેસ સંભાળે છે. બ્લૂમબર્ગ બિલિયોનેર્સ ઇન્ડેક્સ મુજબ, 28 માર્ચ, 2024 સુધીમાં, સાવિત્રી જિંદાલની કુલ સંપત્તિ $29.6 બિલિયન છે. ભારતીય ચલણમાં આ લગભગ 2.47 લાખ કરોડ રૂપિયા છે. વૈશ્વિક સ્તરે, વિશ્વના અબજોપતિઓની યાદીમાં સાવિત્રી જિંદાલ 56માં સ્થાને છે.

સાવિત્રી જિંદાલની રાજકીય કારકિર્દી

ઓપી જિંદાલ ગ્રૂપના ચેરપર્સન સાવિત્રી જિંદાલ હિસાર મતવિસ્તારમાંથી ધારાસભ્ય છે અને હરિયાણા સરકારમાં 10 વર્ષથી મંત્રી છે. 2005માં વિમાન દુર્ઘટનામાં તેમના પતિ અને જિંદાલ ગ્રૂપના સ્થાપક ઓપી જિંદાલના મૃત્યુ બાદ જિંદાલ હિસાર મતવિસ્તારમાંથી હરિયાણા વિધાનસભામાં ચૂંટાયા હતા. તેણીએ 2009 માં હિસારથી ફરીથી ચૂંટણી જીતી. ઓક્ટોબર 2013માં તેમને હરિયાણા સરકારમાં કેબિનેટ મંત્રી બનાવવામાં આવ્યા હતા. 2006 માં, તેમણે શહેરી સ્થાનિક સંસ્થાઓ અને આવાસ રાજ્ય મંત્રી તરીકે સેવા આપી હતી. જો કે, 2014ની હરિયાણા વિધાનસભા ચૂંટણીમાં સાવિત્રી જિંદાલને હિસારથી હારનો સામનો કરવો પડ્યો હતો. હવે તેમણે કોંગ્રેસ છોડવાનો નિર્ણય કર્યો છે.

ઉલ્લેખનીય છે કે  અમેરિકાએ હવે કૉંગ્રેસના ફ્રીઝ બેન્ક અકાઉન્ટ મામલે નિવેદન આપ્યું છે. અમેરિકન વિદેશ વિભાગના પ્રવક્તા મૈથ્યૂ મિલરે કહ્યું કે અમેરિકા દરેક મુદ્દા માટે નિષ્પક્ષ, પારદર્શી અને સમયસર કાયદાકીય પ્રક્રિયાઓને પ્રોત્સાહન આપે છે. ભારતે કડક વાંધો દર્શાવ્યા બાદ પણ અમેરિકાએ ફરી એકવાર ભારતના આંતરિક મામલે ટિપ્પણી કરી છે. પહેલા દિલ્હીના સીએમ અરવિંદ કેજરીવાલની ધરપકડને અને હવે અમેરિકાનએ કૉંગ્રેસ પાર્ટીના ફ્રીઝ બેન્ક અકાઉન્ટને લઈને પોતાનો મત વ્યક્ત કર્યો છે. અમેરિકન વિદેશ વિભાગના પ્રવક્તા મૈથ્યૂ મિલરે કહ્યું કે અમેરિકા દરેક મુદ્દા માટે નિષ્પક્ષ, પારદર્શી અને સમયસર કાયદાકીય પ્રક્રિયાઓને પ્રોત્સાહિત કરે છે.