ભાજપના વરિષ્ઠ નેતા અને પૂર્વ કેન્દ્રીય પ્રધાન રવિશંકર પ્રસાદે રાહુલ ગાંધીના નિવેદન પર પલટવાર કર્યો છે
ફાઇલ તસવીર
કૉંગ્રેસ (Congress) નેતા રાહુલ ગાંધી (Rahul Gandhi)એ કહ્યું છે કે પીએમ દ્વારા સંસદ ભવનનું ઉદ્ઘાટન ખોટું છે. કૉંગ્રેસ નેતાએ કહ્યું કે નવા સંસદ ભવનનું ઉદ્ઘાટન રાષ્ટ્રપતિએ કરવું જોઈએ, વડાપ્રધાને નહીં. નોંધનીય છે કે 28 મેના રોજ વડાપ્રધાન દ્વારા નવનિર્મિત સંસદનું ઉદ્ઘાટન થવાનું છે. સંસદ ભવનનું બાંધકામ પૂર્ણ થયા બાદ લોકસભાના સ્પીકર ઓમ બિરલા (Om Birla)એ વડાપ્રધાન નરેન્દ્ર મોદીને મળ્યા અને તેમને તેનું ઉદ્ઘાટન કરવા વિનંતી કરી હતી. લોકસભા સચિવાલયે ગુરુવારે (18 મે) આ માહિતી આપી હતી.
ભાજપ (BJP)ના વરિષ્ઠ નેતા અને પૂર્વ કેન્દ્રીય પ્રધાન રવિશંકર પ્રસાદે રાહુલ ગાંધીના નિવેદન પર પલટવાર કર્યો છે. તેમણે કહ્યું કે સંસદ ભવન બનાવવાનો સમગ્ર પ્રયાસ નરેન્દ્ર મોદીનો છે. રાહુલ ગાંધીને નરેન્દ્ર મોદીનું કોઈ સારું કામ દેખાતું નથી.
ADVERTISEMENT
કૉંગ્રેસ પર નિશાન સાધ્યું
આ પહેલાં કૉંગ્રેસે સંસદ ભવનનાં ઉદ્ઘાટનની તારીખ પર સવાલ ઉઠાવ્યા હતા. ખરેખર, 28 મે એ વિનાયક દામોદર સાવરકરનો જન્મદિવસ છે. આવી સ્થિતિમાં સવાલો ઊઠી રહ્યા છે કે શું આ દિવસ પસંદ કરવો એ માત્ર એક સંયોગ છે કે રણનીતિ હેઠળ કરવામાં આવી રહ્યો છે.
કકૉંગ્રેસે તેને પીએમ મોદીનો `વ્યક્તિગત મહત્વાકાંક્ષી પ્રોજેક્ટ` ગણાવીને નવા સંસદ ભવનની જરૂરિયાત પર સવાલ ઉઠાવ્યા હતા. કૉંગ્રેસે કહ્યું હતું કે, જ્યારે વિપક્ષનો અવાજ શાંત થઈ ગયો છે ત્યારે આવા મકાનની શું જરૂર છે.
નવા સંસદ ભવનમાં શું છે?
નવી સંસદની લોકસભામાં 888 અને રાજ્યસભામાં 384 સભ્યોની બેઠક વ્યવસ્થા કરવામાં આવી છે. વર્તમાન સંસદ ગૃહમાં લોકસભામાં 550 જ્યારે રાજ્યસભામાં 250 સભ્યોની બેઠક વ્યવસ્થા છે.
આ પણ વાંચો: કર્ણાટકમાં શપથગ્રહણ સમારોહ માટે કૉન્ગ્રેસે કોને આમંત્રણ આપ્યું, કોને ન આપ્યું?
નવી સંસદની ઇમારત સેન્ટ્રલ વિસ્ટા પ્રોજેક્ટનો એક ભાગ છે, જેના હેઠળ નવી દિલ્હીમાં દેશના પાવર સેન્ટરનું નવીનીકરણ કરવામાં આવી રહ્યું છે. આ અંતર્ગત, કેન્દ્રીય જાહેર બાંધકામ વિભાગ રાષ્ટ્રપતિ ભવનથી ઈન્ડિયા ગેટ સુધીના ત્રણ કિલોમીટરના રસ્તાનું નવીનીકરણ કરી રહ્યું છે, એક સામાન્ય કેન્દ્રીય સચિવાલયનું નિર્માણ કરી રહ્યું છે, જેમાં વડાપ્રધાનનું નવું કાર્યાલય અને નિવાસસ્થાન, સાથે જ ઉપરાષ્ટ્રપતિના એન્ક્લેવનું પણ નિર્માણ કરવામાં આવી રહ્યું છે.
