મોદી ભોપાલમાં રાણી કમલાપતિ રેલવે સ્ટેશન પહોંચ્યા હતા.
ભોપાલમાં ગઈ કાલે રાણી કમલાપતિ રેલવે સ્ટેશનથી પાંચ વંદે ભારત એક્સપ્રેસ ટ્રેન્સને લૉન્ચ કરવાના કાર્યક્રમ દરમ્યાન એક વંદે ભારત એક્સપ્રેસમાં સ્ટુડન્ટ્સ સાથે વાતચીત કરી રહેલા વડા પ્રધાન નરેન્દ્ર મોદી.
વડા પ્રધાન નરેન્દ્ર મોદીએ ગઈ કાલે મધ્ય પ્રદેશના ભોપાલની મુલાકાત લીધી હતી અને દેશના જુદા-જુદા ભાગમાં મહત્ત્વનાં શહેરોને કનેક્ટ કરતી પાંચ વંદે ભારત ટ્રેનોને લીલી ઝંડી આપી હતી. મોદી ભોપાલમાં રાણી કમલાપતિ રેલવે સ્ટેશન પહોંચ્યા હતા. ત્યાં તેમણે બે ટ્રેનોને ફિઝિકલી, જ્યારે ત્રણ ટ્રેનોને વર્ચ્યુઅલ મોડમાં લીલી ઝંડી બતાવી હતી.
આ પ્રસંગે રેલવેપ્રધાન અશ્વિની વૈષ્ણવ, મધ્ય પ્રદેશના રાજ્યપાલ મંગુભાઈ પટેલ, મુખ્ય પ્રધાન શિવરાજ સિંહ ચૌહાણ અને કેન્દ્રીય પ્રધાનો નરેન્દ્ર સિંહ તોમર અને જ્યોતિરાદિત્ય સિંધિયા ઉપસ્થિત રહ્યા હતા.
પહેલી વખત એક જ દિવસમાં આટલી બધી વંદે ભારત ટ્રેનોને લૉન્ચ કરવામાં આવી છે, જેમાંથી બે ટ્રેન મધ્ય પ્રદેશને મળી છે કે જ્યાં આ વર્ષના અંતમાં વિધાનસભાની ચૂંટણી યોજાવાની છે.
ADVERTISEMENT
