દિલ્હી વિધાનસભા ચૂંટણી પહેલા પીએમ નરેન્દ્ર મોદી દિલ્હીને 45 હજાર કરોડ રૂપિયાની વિકાસ પરિયોજનાઓની ભેટ આપવા જઈ રહ્યા છે. તે રોહિણીના જાપાની પાર્કમાં રેલી કરશે.
નરેન્દ્ર મોદી (ફાઈલ તસવીર)
દિલ્હી વિધાનસભા ચૂંટણી પહેલા પીએમ નરેન્દ્ર મોદી દિલ્હીને 45 હજાર કરોડ રૂપિયાની વિકાસ પરિયોજનાઓની ભેટ આપવા જઈ રહ્યા છે. તે રોહિણીના જાપાની પાર્કમાં રેલી કરશે.
દિલ્હી વિધાનસભા ચૂંટણી પહેલા શુક્રવારે (3 જાન્યુઆરી 2025)ના વડાપ્રધાન નરેન્દ્ર મોદી દિલ્હીને 45 હજાર કરોડ રૂપિયાની વિકાસ પરિયોજનાઓની ભેટ આપશે. દિલ્હીના અશોક વિહારમાં એક મોટી રેલી દરમિયાન દિલ્હીની જનતાને કરોડોની ભેટ આપીને પીએમ મોદી ચૂંટણી માટે બ્યૂગલ ફૂંકશે.
ADVERTISEMENT
વડાપ્રધાન નરેન્દ્ર મોદી દિલ્હી માટે 4300 કરોડથી વધારેની અનેક વિકાસ પરિયોજનાઓનું ઉદ્ઘાટન અને શિલાન્યાસ કરશે. જેમાં સૌથી મહત્ત્વપૂર્ણ નઝફગઢના રોશનપુરામાં વીર સાવરકર કૉલેજની આધારશિલા સામેલ છે. દિલ્હી વિધાનસભા ચૂંટણી પહેલા આ પરિયોજનાઓ દ્વારા ભાજપ સરકારે પોતાનો ઈરાદો સ્પષ્ટ કરી દીધો છે.
ઘર યોજના હેઠળ થયું 1675 ઘરનું નિર્માણ
વડાપ્રધાન મોદી 3 જાન્યુઆરીએ દિલ્હીના અશોક વિહારમાં આવેલા સ્વાભિમાન એપાર્ટમેન્ટમાં ઈન-સિટુ સ્લમ રિહેબિલિટેશન પ્રોજેક્ટ હેઠળ ઝુગ્ગી ઝોપરી (JJ) ક્લસ્ટરના રહેવાસીઓ માટે નવનિર્મિત ફ્લેટની મુલાકાત લેશે લગભગ 12:10 વાગ્યે. તમામ ફ્લેટ કેન્દ્ર સરકારની `ઘર યોજના` હેઠળ બાંધવામાં આવ્યા છે. વડાપ્રધાન મોદી 1675 ફ્લેટની ચાવી પાત્ર લોકોને સોંપશે. આ પ્રોજેક્ટનો ઉદ્દેશ્ય દિલ્હીમાં ઝૂંપડપટ્ટીના રહેવાસીઓને યોગ્ય સુવિધાઓથી સજ્જ સારું અને સ્વસ્થ જીવન વાતાવરણ પૂરું પાડવાનો છે.
પીએમ સીબીએસઈના સંકલિત કાર્યાલય સંકુલનું પણ ઉદ્ઘાટન કરશે
આ ઉપરાંત વડા પ્રધાન નરેન્દ્ર મોદી બે શહેરી પુનર્વિકાસ પ્રોજેક્ટ્સનું પણ ઉદ્ઘાટન કરશે, જેમાં નરોજી નગરમાં વર્લ્ડ ટ્રેડ સેન્ટર (WTC) અને સરોજિની નગરમાં જનરલ પૂલ રેસિડેન્શિયલ એકોમોડેશન (GPRA) Type-II ક્વાર્ટરનો સમાવેશ થાય છે. સરોજિની નગરમાં GPRA Type-II ક્વાર્ટરમાં 2,500 થી વધુ રહેણાંક ફ્લેટ્સ સાથે 28 ટાવરનો સમાવેશ થાય છે. વડાપ્રધાન દિલ્હીના દ્વારકામાં આશરે રૂ. 300 કરોડના ખર્ચે બનેલ CBSEના સંકલિત કાર્યાલય સંકુલનું પણ ઉદ્ઘાટન કરશે.
રેલીમાં 50 હજારથી વધુ લોકો ભાગ લઈ શકશે
વડાપ્રધાન નરેન્દ્ર મોદી દિલ્હી યુનિવર્સિટીમાં રૂ. 600 કરોડથી વધુના ખર્ચના ત્રણ નવા પ્રોજેક્ટનો શિલાન્યાસ પણ કરશે. તેમાં પૂર્વ દિલ્હીના સૂરજમલ વિહાર ખાતે પૂર્વ કેમ્પસમાં એક શૈક્ષણિક બ્લોક અને દ્વારકામાં પશ્ચિમી કેમ્પસમાં એક શૈક્ષણિક બ્લોકનો સમાવેશ થાય છે. આ ઉપરાંત નજફગઢના રોશનપુરામાં વીર સાવરકર કોલેજની ઇમારત પણ સામેલ છે, જેમાં શિક્ષણ માટે અત્યાધુનિક સુવિધાઓ છે. સૂત્રોનું માનીએ તો પીએમ મોદીની રેલીમાં દિલ્હીના વિવિધ ભાગોમાંથી 50 હજારથી વધુ લોકો ભાગ લેશે.
દિલ્હીમાં વિધાનસભા ચૂંટણી પહેલા વડાપ્રધાન નરેન્દ્ર મોદી રાજધાનીને ઘણી મોટી ભેટ આપવા જઈ રહ્યા છે. તેઓ 3 જાન્યુઆરીએ અનેક વિકાસ યોજનાઓનું ઉદ્ઘાટન અને શિલાન્યાસ કરશે. વીર સાવરકરના નામે ગરીબોને ફ્લેટથી લઈને કોલેજ સુધી, દિલ્હીવાસીઓને ઘણી મોટી ભેટ મળવાની છે. દિલ્હીમાં હવે કોઈપણ દિવસે વિધાનસભાની ચૂંટણીની જાહેરાત થઈ શકે છે. ફેબ્રુઆરીમાં ચૂંટણી યોજાય તેવી શક્યતા છે.
શુક્રવારે બપોરે લગભગ 12 વાગ્યે પીએમ મોદી દિલ્હીના અશોક વિહારમાં બનેલા સ્વાભિમાન એપાર્ટમેન્ટની પણ મુલાકાત લેશે. `બધા માટે ઘર`ના વચન હેઠળ પીએમ મોદી આ ફ્લેટ આર્થિક રીતે નબળા લોકોને સોંપશે. લગભગ 12:45 કલાકે અનેક વિકાસ યોજનાઓના ઉદ્ઘાટન અને શિલાન્યાસ દરમિયાન તેઓ 1675 લાભાર્થીઓને ફ્લેટની ચાવીઓ આપશે. DDAએ આ ફ્લેટ તૈયાર કર્યા છે. 25 લાખની કિંમતના ફ્લેટ માટે, લાભાર્થીઓએ 7 ટકાથી ઓછી રકમ ચૂકવવી પડશે. જેમાં 1.42 લાખ રૂપિયાનું નજીવા યોગદાન અને દર પાંચ વર્ષ માટે 30 હજાર રૂપિયાનો જાળવણી ચાર્જ સામેલ છે.
