આ વખતે ભારતીય સેના સિવાય તેની નજર IIT જેવી મોટી સંસ્થાઓ પર છે. IB દ્વારા ખુલાસો થયો છે કે પાકિસ્તાની હેકર્સ સેનાને નિશાન બનાવી રહ્યા છે.
પ્રતીકાત્મક તસવીર (આઈસ્ટોક)
પાકિસ્તાન દરરોજ ભારત પર હુમલો કરવાની નવી-નવી યોજના ઘડતું રહે છે. આ વખતે ભારતીય સેના સિવાય તેની નજર IIT (Indian Institute Of Technology) જેવી મોટી સંસ્થાઓ પર છે. IB દ્વારા ખુલાસો થયો છે કે પાકિસ્તાની હેકર્સ સેનાને નિશાન બનાવી રહ્યા છે.
ભારતીય સુરક્ષા સંશોધકોએ શનિવારે જણાવ્યું હતું કે, તેમને પાકિસ્તાન સ્થિત હેકર્સ દ્વારા ભારતીય સૈન્ય અને શિક્ષણ ક્ષેત્ર પર સાયબર હુમલાની જાણ થઈ છે. સંશોધકોએ જણાવ્યું હતું કે ટ્રાન્સપેરેન્ટ ટ્રાઈબના પેટા વિભાગે ભારતીય સંરક્ષણ સંગઠનને નિશાન બનાવ્યું હતું. આ આધુનિક વ્યૂહરચનાનો હેતુ સંવેદનશીલ માહિતી મેળવવાનો છે. APT36 એ દૂષિત PPAM ફાઇલોનો ચતુરાઈપૂર્વક ઉપયોગ કર્યો છે. APPAM ફાઇલ એ Microsoft Power Point દ્વારા ઉપયોગમાં લેવાતી એડ-ઇન ફાઇલ છે.
ADVERTISEMENT
ઉલ્લેખનીય છે કે રિપોર્ટમાં એ પણ ખુલાસો થયો છે કે આ ફાઇલો આર્કાઇવ ફાઇલોને OLE ઑબ્જેક્ટ તરીકે છુપાવવા માટે મેક્રો-સક્ષમ પાવરપોઇન્ટ એડ-ઓન (PPAM) નો ઉપયોગ કરે છે, જે અસરકારક રીતે માલવેરની હાજરીને છુપાવે છે. ટીમે એમ પણ કહ્યું છે કે આ તમામ કમજોરીઓથી બચવા માટે સુરક્ષા સોફ્ટવેર, ઓપરેટિંગ સિસ્ટમ અને એપ્લિકેશનને નિયમિતપણે અપડેટ કરવી જોઈએ.
પાકિસ્તાની હેકર્સ દ્વારા ઘણી મોટી સંસ્થાઓને નિશાન બનાવવામાં આવી રહી છે. મળતી માહિતી મુજબ ગુપ્તચર એજન્સીઓએ ખુલાસો કર્યો છે કે પડોશી દેશની નજર હવે ભારતની ટોચની સંસ્થાઓ પર છે. પુણે સ્થિત ક્વિક હીલ ટેક્નોલોજીસની શાખા સેક્રાઈટના અહેવાલ મુજબ ટ્રાન્સપરન્ટ ટ્રાઈબ ભારત સરકાર અને લશ્કરી સંસ્થાઓને નિશાન બનાવી રહી છે.
ઉલ્લેખનીય છે કે ભારત પર સાયબર એટેક કરવા માટે પાકિસ્તાને ટ્રાન્સપરન્ટ ટ્રાઈબ નામનું એક નવું ગ્રુપ બનાવ્યું છે. આ જૂથ મુખ્યત્વે ભારતમાં સંરક્ષણ સંસ્થાઓને નિશાન બનાવી રહ્યું છે. પાકિસ્તાનને ગુપ્ત માહિતી પૂરી પાડવાના આરોપમાં તાજેતરમાં ડીઆરડીઓના એક વૈજ્ઞાનિકની ધરપકડ કરવામાં આવી ત્યારે પણ આ વાત સામે આવી હતી. આ વૈજ્ઞાનિક હની ટ્રેપ દ્વારા જાળમાં ફસાઈ ગયો હતો.
ટ્રાન્સપરેન્ટ ટ્રાઈબ લાંબા સમયથી ભારતને સાયબર હુમલાઓ દ્વારા નિશાન બનાવી રહી છે. પ્રથમ વખત તેના કેસ મે 2022માં નોંધાયા હતા. 2023ની શરૂઆતમાં જૂથ વધુ ઝડપી હુમલા સાથે ફિરાકમાં જોડાયું હતું. તેણે IIT અને NIIT જેવી સંસ્થાઓને તેનો શિકાર બનાવી લીધો છે.
જો કે પાકિસ્તાન આ સંસ્થાઓને શા માટે નિશાન બનાવી રહ્યું છે તે અંગે કોઈ નક્કર માહિતી સામે આવી નથી. સૂત્રોનું કહેવું છે કે આ બંને સંસ્થાઓ સેનાની સાથે મળીને કામ કરે છે. આવી સ્થિતિમાં ગુપ્તચર એજન્સીઓને શંકા છે કે આ કારણથી તેમને નિશાન બનાવવામાં આવી રહ્યા છે.
