ચીનના નેતૃત્વમાં શાંઘાઈ કૉઓપરેશન ઑર્ગેનાઈઝેશન (SCO)ની બેઠક ભારતમાં 4-5 મેના રોજ યોજાશે. આ સંગઠનમાં ચીન, રશિયા, કઝાકિસ્તાન, ઉઝબેકિસ્તાન, કિર્ગિસ્તાન અને તાજિકિસ્તાનનો સમાવેશ કરવામાં આવ્યો હતો
ફાઇલ તસવીર
પાકિસ્તાન (Pakistan)ના વિદેશ પ્રધાન બિલાવલ ભુટ્ટો ઝરદારી (Bilawal Bhutto Zardari) ભારતની મુલાકાતે આવશે. બિલાવલની આ મુલાકાત આવતા મહિનાની શરૂઆતમાં 4 મેના રોજ થશે. વર્ષ 2014માં તત્કાલિન વડાપ્રધાન નવાઝ શરીફ બાદ સત્તાધારી પાકિસ્તાની નેતાની આ પ્રથમ ભારત મુલાકાત હશે.
સત્તાવાર સૂત્રોના જણાવ્યા અનુસાર, ચીનના નેતૃત્વમાં શાંઘાઈ કૉઓપરેશન ઑર્ગેનાઈઝેશન (SCO)ની બેઠક ભારત (India)માં 4-5 મેના રોજ યોજાશે. આ સંગઠનમાં ચીન, રશિયા, કઝાકિસ્તાન, ઉઝબેકિસ્તાન, કિર્ગિસ્તાન અને તાજિકિસ્તાનનો સમાવેશ કરવામાં આવ્યો હતો, બાદમાં ભારત અને પાકિસ્તાન પણ તેમાં જોડાયા હતા. આ વખતે જ્યારે SCOની બેઠક ભારતમાં યોજવાનું નક્કી થયું ત્યારે પાકિસ્તાને વાંધો ઉઠાવ્યો હતો, પરંતુ હવે અહેવાલ છે કે પાકિસ્તાનના વિદેશ પ્રધાન બિલાવલ ભુટ્ટો આ બેઠકમાં ભાગ લેશે. તે દિવસે શાંઘાઈ કૉઓપરેશન ઑર્ગેનાઈઝેશન (SCO)ના સભ્ય દેશોના વિદેશ પ્રધાનોનું સંમેલન યોજાવાનું છે.
ADVERTISEMENT
SCOની બેઠકમાં પાકિસ્તાનના વિદેશ પ્રધાન ભાગ લેશે
પાકિસ્તાની મીડિયામાં પણ SCOની બેઠકમાં બિલાવલની ભાગીદારી અંગે અટકળો લગાવવામાં આવી રહી હતી. બિલાવલ ભુટ્ટો પાકિસ્તાનના સૌથી યુવા પ્રધાનોમાંથી એક છે. તેમની ઉંમર 34 વર્ષ છે. તેઓ પાકિસ્તાનના પૂર્વ રાષ્ટ્રપતિ આસિફ અલી ઝરદારીના પુત્ર છે. બિલાવલનો જન્મ 21 સપ્ટેમ્બર 1988ના રોજ પાકિસ્તાનના કરાચી શહેરમાં થયો હતો. તેણે વિદેશમાં અભ્યાસ પૂરો કર્યો હતો. 27 એપ્રિલ 2022ના રોજ, બિલાવલને દેશના 37મા વિદેશ પ્રધાન તરીકે નિયુક્ત કરવામાં આવ્યા. તે `પાકિસ્તાન પીપલ્સ પાર્ટી`ના સભ્ય છે.
આ પણ વાંચો: સ્પા સેન્ટરના નામે ચાલ્યું સેક્સ રેકેટ, 16 વાંધાજનક સ્થિતિમાં ઝડપાયાં
ભુટ્ટો ઘણીવાર ભારત વિશે તીક્ષ્ણ નિવેદનો આપે છે
બિલાવલ ભુટ્ટો તેમના `ભારત વિરોધી` વક્તવ્યને કારણે પાકિસ્તાનની રાજનીતિમાં હેડલાઇન્સમાં છે. તે વર્ષોથી કાશ્મીર વિશે નિંદાત્મક ટિપ્પણીઓ કરી રહ્યા છે. સંયુક્ત રાષ્ટ્રમાં તેમણે વારંવાર કાશ્મીર મુદ્દે ભાષણ કર્યું હતું. જોકે, ત્યાંના ભારતીય પ્રતિનિધિએ દર વખતે તેમને યોગ્ય ભાષામાં જવાબ આપ્યો છે.
