અધિકારીઓના જણાવ્યા અનુસાર, ઓએસિસ સ્કૂલના પ્રિન્સિપાલ એહસાનુલ હક અને વાઇસ-પ્રિન્સિપાલ ઇમ્તિયાઝ આલમની કથિત પેપર લીક (NEET Paper Leak)માં તેમની શંકાસ્પદ ભૂમિકા માટે શુક્રવારે ધરપકડ કરવામાં આવી હતી
સીબીઆઈનો લોગો
નીટ પેપર લીક (NEET Paper Leak) મામલે CBIની જોરદાર કાર્યવાહી ચાલુ છે. તપાસ એજન્સીએ શનિવારે ઝારખંડના હજારીબાગમાંથી એક પત્રકારની ધરપકડ કરી હતી. પત્રકારનું નામ જમાલુદ્દીન છે જે એક હિન્દી અખબાર માટે કામ કરે છે. શુક્રવારે ધરપકડ કરાયેલ ઓએસિસ સ્કૂલના પ્રિન્સિપાલ અને વાઈસ પ્રિન્સિપાલની મદદ કરવાના આરોપમાં તેની ધરપકડ કરવામાં આવી છે. જ્યારે ગુજરાતમાં સીબીઆઈની ટીમો ગોધરા, ખેડા, અમદાવાદ, ગોધરા અને આણંદમાં સાત સ્થળોએ કેટલાક શકમંદોને ત્યાં દરોડા પાડી રહી છે. આ દરોડો ગોધરા પોલીસ દ્વારા અગાઉ નોંધાયેલી એફઆઈઆર સાથે સંબંધિત છે.