ઝારખંડમાં ૮૧ પૈકી ૪૩ બેઠકો પર ૧૩ નવેમ્બરે અને બાકીની બેઠકો પર ૨૦ નવેમ્બરે ચૂંટણી થશે અને ૨૩ નવેમ્બરે પરિણામ જાહેર થશે.
મહેન્દ્ર સિંહ ધોની
ઝારખંડ વિધાનસભાની ચૂંટણીમાં મહેન્દ્ર સિંહ ધોનીને ચૂંટણીનો બ્રૅન્ડ-ઍમ્બૅસૅડર બનાવવામાં આવ્યો છે. આ મુદ્દે ચીફ ઇલેક્ટોરલ ઑફિસર કે. રવિ કુમારે કહ્યું હતું કે ધોનીએ આ માટે તેનો ફોટોગ્રાફ વાપરવા માટે મંજૂરી આપી દીધી છે. આ સંદર્ભની બીજી વિગતોની જાણકારી તેને આપવામાં આવી રહી છે. સિસ્ટમૅટિક વોટર્સ એજ્યુકેશન ઍન્ડ ઇલેક્ટોરલ પાર્ટિસિપેશન (SVEEP) પ્રોગ્રામ હેઠળ ધોની મતદારોમાં મતદાન વિશે જાગૃતિ ફેલાવવા અને વધુ ને વધુ લોકો ચૂંટણી-પ્રક્રિયાનો ભાગ બને એ માટે પ્રયાસ કરશે. ચૂંટણીપંચને આશા છે કે ધોનીની અપીલથી વધારે મતદારો મતદાનની પ્રક્રિયામાં ભાગ લેવા બહાર આવશે અને રેકૉર્ડ-મતદાન નોંધાશે. ઝારખંડમાં ૮૧ પૈકી ૪૩ બેઠકો પર ૧૩ નવેમ્બરે અને બાકીની બેઠકો પર ૨૦ નવેમ્બરે ચૂંટણી થશે અને ૨૩ નવેમ્બરે પરિણામ જાહેર થશે.
