"મહાકુંભ પહેલા જ સમાપ્ત થયો હતો, હવે આ સરકારી કુંભ છે": શંકરાચાર્યનો મોટો દાવો

Mahakumbh 2025: મહાશિવરાત્રિ સ્નાન સાથે મહાકુંભ સમાપ્ત, પરંતુ શંકરાચાર્યે દાવો કર્યો કે અસલી કુંભ પૂરો થઈ ચૂક્યો હતો અને હવે જે ચાલી રહ્યું છે તે `સરકારી કુંભ` છે. ૪૫ દિવસમાં ૬૬ કરોડથી વધુ શ્રદ્ધાળુઓએ પવિત્ર ત્રિવેણી સંગમમાં સ્નાન કર્યું.

શંકરાચાર્ય અવિમુક્તેશ્વરાનંદ (ફાઇલ તસવીર)

પ્રયાગરાજમાં યોજાયેલા મહાકુંભ મેળાનું સમાપન મહાશિવરાત્રિના પવિત્ર સ્નાન સાથે 26 ફેબ્રુઆરીએ જ થઈ ગયું છે. જોકે, મહાકુંભને લઈને હવે મોટો વિવાદ ઊભો થયો છે. જ્યોતિર્મઠ પીઠના શંકરાચાર્ય સ્વામી અવિમુક્તેશ્વરાનંદ સરસ્વતીએ દાવો કર્યો છે કે મહાકુંભ પહેલા જ સમાપ્ત થઈ ગયો છે અને હવે જે ચાલી રહ્યું છે તે `સરકારી કુંભ` છે.

શંકરાચાર્યનો દાવો: `અસલી કુંભ તો પૂર્ણિમાએ જ પૂરો થઈ ગયો`
શંકરાચાર્ય અવિમુક્તેશ્વરાનંદે કહ્યું કે, `મહાકુંભ તો માઘ મહિનાની પૂર્ણિમાએ જ પૂરો થઈ ગયો હતો. માઘ માસની પૂર્ણિમા પૂરી થયા પછી બધા `કલ્પવાસી` કુંભમાંથી પરત વળી ચૂક્યા છે. હવે જે ચાલી રહ્યું છે, તે માત્ર એક `સરકારી આયોજન` છે અને તેનો કોઈ ખાસ આધ્યાત્મિક મહત્ત્વ નથી.`

ADVERTISEMENT

ગૌહત્યા વિરોધ માટે શંકરાચાર્યએ 17 માર્ચ સુધીનો સમય આપ્યો
શંકરાચાર્યએ ગૌહત્યા રોકવા માટે દેશભરના રાજકીય દળોને 17 માર્ચ સુધી પોતાનો મત સ્પષ્ટ કરવાનો સમય આપ્યો છે. તેમણે કહ્યું, `અમે તમામ રાજકીય પક્ષોને તેમનો મત સ્પષ્ટ કરવા માટે કહ્યું છે` કે તેઓ ગૌહત્યા રોકવા માગે છે કે નહીં. આ મુદ્દો સ્વતંત્રતા સમયથી ચાલી રહ્યો છે, અને અમે આ મુદ્દે અમારી આગામી રણનીતિ 17 માર્ચે દિલ્હીમાં બેસીને નક્કી કરીશું.`

45 દિવસમાં 66.30 કરોડ શ્રદ્ધાળુઓએ કર્યું પવિત્ર સ્નાન
13 જાન્યુઆરીથી શરૂ થયેલા મહાકુંભમાં કરોડો શ્રદ્ધાળુઓએ ભાગ લીધો. મેળા પ્રશાસન વિભાગના આંકડાઓ અનુસાર, 45 દિવસ સુધી ચાલેલા આ ભવ્ય મેળામાં 66.30 કરોડથી વધુ ભક્તોએ ગંગા અને ત્રિવેણી સંગમમાં પવિત્ર સ્નાન કર્યું હતું. આટલી મોટી સંખ્યામાં શ્રદ્ધાળુઓના ભાગ લેતા મહાકુંભ વિશ્વનો સૌથી મોટો આસ્થા મહાપર્વ બન્યો છે. કુંભમાં આવેલા શ્રદ્ધાળુઓની સંખ્યા દુનિયાના મોટાભાગના દેશોની વસ્તી કરતા પણ વધુ છે, જે અમેરિકા અને રશિયાની સંયુક્ત વસ્તી કરતા પણ વધુ છે.

વિશ્વવિખ્યાત મહાકુંભ
કુંભમાં શ્રદ્ધાળુઓ અને સાધુ-સંતો ત્રિવેણી સંગમ ખાતે પવિત્ર સ્નાન કરીને દૈવિક આશીર્વાદ લે છે. આ વર્ષે, મહાકુંભમાં અનેક જાણીતી હસ્તીઓએ પણ પવિત્ર સ્નાન કર્યું. બૉલિવૂડ સેલિબ્રિટી અક્ષય કુમાર, શંકર મહાદેવન, રેમો ડી`સોઝા, ગુરુ રંધાવા, કેટરીના કૈફ, વિક્કી કૌશલ અને અનુપમ ખેર જેવા બૉલિવૂડ સિતારાઓએ પણ પવિત્ર સ્નાન કર્યું. તેમજ, રિલાન્યસ ઇન્ડસ્ટ્રીઝના ચેરમૅન મુકેશ અંબાણી અને તેમના પરિવારજનો પણ કુંભના પવિત્ર સ્નાન માટે પહોંચ્યા હતા. ભારતના પ્રધાનમંત્રી નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથ પણ આ ભવ્ય મેળાનો હિસ્સો બન્યા હતા.

કુંભ સમાપન પર સીએમ યોગી
સીએમ યોગી આદિત્યનાથે X પર પોસ્ટ કરીને લખ્યું કે શ્રદ્ધા, એકતા અને સમાનતાનો મહાન તહેવાર, મહાકુંભ, પ્રયાગરાજ મહાશિવરાત્રીના પવિત્ર સ્નાન સાથે તેની પૂર્ણતા તરફ આગળ વધી રહ્યું છે. ૧૩ જાન્યુઆરીએ પોષ પૂર્ણિમાથી શરૂ થયેલા મહાકુંભમાં ૨૬ ફેબ્રુઆરી મહાશિવરાત્રિ સુધી ૪૫ દિવસમાં ૬૬ કરોડ ૨૧ લાખ શ્રદ્ધાળુઓએ પવિત્ર સંગમમાં સ્નાન કર્યું છે.