આરોપીનું નામ વિજય છે. વિજયને શંકા હતી કે તેના મિત્ર મારેશનું તેની પત્નીની સાથે અફેર છે. આ પછી વિજયે તેના મિત્ર મારેશને મળવા બોલાવ્યો હતો. આ પછી ગુસ્સામાં આવીને વિજયે તિક્ષ્ણ હથિયાર વડે મારેશનું ગળું કાપી નાખ્યું હતું.
પ્રતીકાત્મક ફાઈલ તસવીર
કર્ણાટકમાંથી એક ચોંકાવનારો કિસ્સો સામે આવ્યો છે. એક વ્યક્તિએ પહેલા તેની પત્નીના પ્રેમીનું ગળું કાપી નાખ્યું હતું. ત્યારબાદ તેનું લોહી પણ પીધું હતું. આ પુરુષને શંકા હતી કે તેની પત્નીનું તેના મિત્ર સાથે અફેર ચાલી રહ્યું છે.
ઉલ્લેખનીય છે કે તેણે ગેરકાયદેસરના સંબંધોની શંકામાં મિત્રનું ગળું કાપી નાખ્યું હતું. આ સમગ્ર ઘટનાનો વિડીયો વાયરલ થયા બાદ પોલીસે મામલો હાથમાં લીધો હતો. આટલું જ નહીં તેણે તે વ્યક્તિનું ગળું કાપીને તેનું લોહી પીધું હતું. મળતી મહિતી મુજબ આ વ્યક્તિએ તેના મિત્રને સમગ્ર ઘટનાનો વીડિયો ઉતારવા કહ્યું હતું. આ સમગ્ર મામલો સામે આવ્યા બાદ આરોપીની ધરપકડ કરવામાં આવી છે. અધિકારીઓના જણાવ્યા અનુસાર પીડિતા બચી ગઈ છે અને તેની હોસ્પિટલમાં સારવાર ચાલી રહી છે.
ADVERTISEMENT
આ મામલો કર્ણાટકના ચિક્કાબલ્લાપુરનો છે. આ સમગ્ર ઘટના વ્યક્તિના મિત્ર દ્વારા કેમેરામાં કેદ થતાં પ્રકાશમાં આવી હતી. આરોપીની ઓળખ વિજય તરીકે થઈ છે. જ્યારે પીડિતનું નામ મારેશ હતું. વિજયને શંકા હતી કે મારેશને તેની પત્ની સાથે ગેરકાયદેસર સંબંધ છે. આ કારણે વિજય ખૂબ ગુસ્સે થયો હતો. 19 જૂને વિજય તેના મિત્ર જ્હોન સાથે મારેશને નજીકના જંગલમાં લઈ ગયો હતો ત્યાં તેણે મારેશનું ગળું કાપી તેનું લોહી પી લીધું હતું.
પોલીસના સૂત્રોએ જણાવ્યું હતું કે આરોપીનું નામ વિજય છે. વિજયને શંકા હતી કે તેના મિત્ર મારેશનું તેની પત્નીની સાથે અફેર છે. આ પછી વિજયે તેના મિત્ર મારેશને મળવા બોલાવ્યો હતો. આ પછી ગુસ્સામાં આવીને વિજયે તિક્ષ્ણ હથિયાર વડે મારેશનું ગળું કાપી નાખ્યું હતું. વિજયના બીજા મિત્ર જ્હોને આ આખી ઘટનાનો વીડિયો પોતાના મોબાઈલમાં બનાવ્યો હતો. ઉલ્લેખનીય છે કે વીડિયોમાં વિજય લોહી પીતો પણ જોવા મળી રહ્યો છે.
અધિકારીઓએ આ મુદ્દે વધુ પ્રકાશ પડતાં જણાવ્યું હતું કે, ઘટનાનો એક વીડિયો સામે આવ્યો છે. જેમાં જોઈ શકાય છે કે વિજયે પહેલા મારેશનું ગળું કાપી નાખ્યું. બાદમાં તેને ખૂબ માર મારવામાં આવ્યો હતો. આટલું કર્યા પછી પણ જ્યારે તેને સંતોષ ન થયો ત્યારે આરોપીએ તેના મિત્રને પકડીને તેનું લોહી પીવાનું શરૂ કર્યું હતું.
વીડિયો સોશિયલ મીડિયા પર વાયરલ થયો હતો. જે જોઈને ભલભલાના રૂંવાડાં ઊભા થઈ જાય. પોલીસને ઘટનાની જાણ થતાં તેમણે વિજયની ધરપકડ કરી હતી. અધિકારીઓએ જણાવ્યું કે વિજય વિરુદ્ધ કેંચરલાહલ્લી પોલીસ સ્ટેશનમાં હત્યાના પ્રયાસનો કેસ નોંધવામાં આવ્યો છે.
આ ભયાનક ઘટના બાદ આરોપી વિરુદ્ધ કેસ નોંધીને તેની ધરપકડ કરવામાં આવી છે. પીડિત મારેશને હોસ્પિટલમાં દાખલ કરવામાં આવ્યો હતો અને હવે તે ઘરે પરત ફર્યો છે. આ સાથે પોલીસે આ મામલાની સઘન તપાસ પણ શરૂ કરી દીધી છે.
