46 વર્ષ બાદ ખુલશે જગન્નાથ મંદિરની તિજોરી, ખજાનામાં મળી શકે છે આ વસ્તુ સરકારનો દાવો

Jagannath Temple Treasure: સરકારે આ ખજાનાની કિંમતી વસ્તુઓની યાદી પર નજર રાખવા માટે એક સમિતિની રચના કરી છે

ફાઇલ તસવીર

ઓડિશા સરકાર દ્વારા 46 વર્ષ બાદ આજે ફરી એક વખત વિશ્વપ્રસિદ્ધ જગન્નાથ મંદિરની  (Jagannath Temple Treasure) તિજોરી ખોલવામાં આવવાની છે. મંદિરમાં દાનમાં આવેલા આ ખજાનાની જ્વેલરી સહિત બીજી કીમતી વસ્તુઓની યાદી તૈયાર કરવામાં આવશે. સમગ્ર વિશ્વમાં વસતા ભગવાન જગન્નાથના ભક્તો લાંબા સમયથી આ ક્ષણની રાહ જોઈ રહ્યા છે. તિજોરીમાં આવેલા દરેક ઘરેણાંની ગુણવત્તા તપાસવામાં આવશે અને કિંમતી વસ્તુઓનું વજન કરવામાં આવશે. મેડિકલ ટીમ આ ખજાનાને લઈને એલર્ટ પર છે, કારણ કે તેમાં સાપ વગેરે જીવ પણ નીકળી શકે એવું કહેવામાં આવી રહ્યું છે. મળેલી માહિતી મુજબ રાજ્ય સરકારે આ ખજાનાની કિંમતી વસ્તુઓની યાદી પર નજર રાખવા માટે એક સમિતિની રચના કરી છે. આ સમિતિના અધ્યક્ષે કહ્યું કે જગન્નાથ મંદિરનો રત્ન ભંડાર આજે બપોરે 1.28 કલાકે ફરી ખોલવામાં આવશે. ઓડિશા હાઈ કોર્ટના ભૂતપૂર્વ ન્યાયાધીશે કહ્યું કે કિંમતી સામાનને અસ્થાયી રૂપે ક્યાં રાખવામાં આવશે તે પણ નક્કી કરવામાં આવ્યું છે.

મંદિરનો તિજોરી (Jagannath Temple Treasure) ખોલવા માટે પ્રશાસન સંપૂર્ણ રીતે તૈયાર છે. મંદિર પરિસરમાં મેટલ ડિટેક્ટર સાથે પોલીસ વાહનો અને સ્નેક હેલ્પલાઇન ટીમ તહેનાત છે. રત્ન ભંડાર સમિતિએ ઉચ્ચ સ્તરીય બેઠક પણ યોજી છે. મંદિરમાં સ્નેક એક્સપર્ટ તૈયાર છે. મંદિરના રત્ન ભંડારના અંદરના ભાગના તાળા ખોલવાની તૈયારી ચાલી રહી છે. ખજાનો રાખવા માટે મોટા ટ્રંક બોક્સ લાવવામાં આવ્યા છે. એસપી પિનાક મિશ્રા પોલીસ દળ સાથે મંદિરના પૂજારી માધવ પૂજા પાંડા સામંત પણ હાજર છે. ભારતીય પુરાતત્વ સર્વેક્ષણ (ASI)ના અધિકારીએ જણાવ્યું હતું કે એન્જિનિયરો સમારકામ માટે રત્ન સ્ટોરનું નિરીક્ષણ કરશે. ઓડિશા ડિઝાસ્ટર રેપિડ એક્શન ફોર્સ (ODRAF) ના કર્મચારીઓએ રત્ના ભંડારની અંદર લાઇટ લગાવી છે. ખજાનાની અંદર સાપ હોવાની આશંકા છે. રાજ્ય સરકારની સૂચના પર આવ્યા છીએ. સાપ પકડનારની બે ટીમો સ્થળ પર હાજર છે. એક ટીમ મંદિરની અંદર અને બીજી મંદિરની બહાર હાજર રહેશે.

ADVERTISEMENT

કાયદા પ્રધાને કહ્યું કે રાજ્ય સરકારે મંદિર પ્રબંધન સમિતિ (Jagannath Temple Treasure) સાથે SOP પર ચર્ચા કરી છે. હવે માર્ગદર્શિકાના આધારે જરૂરી પગલાં લેવામાં આવી રહ્યા છે. મંદિરની તિજોરી ખોલવા અને ઇન્વેન્ટરી માટે દરેક કાર્ય પૂર્ણ કરવા માટે તમામ પ્રક્રિયાઓ નક્કી કરવામાં આવી છે. તેની જવાબદારી શ્રી જગન્નાથ મંદિર પ્રશાસન (SJTA)ના મુખ્ય પ્રશાસકને સોંપવામાં આવી છે. ખજાનાની જ્વેલરીની ડિજિટલ ફોટોગ્રાફી કરવામાં આવશે. પ્રશાસને જ્વેલરીની યાદી અંગે પારદર્શિતા જાળવવા માટે આરબીઆઈની મદદ લેવામાં આવી છે. આ યાદી તૈયાર કરતી વખતે આરબીઆઈના પ્રતિનિધિઓ હાજર રહેશે. જેથી મેનેજમેન્ટ કમિટી દ્વારા રચાયેલી ટીમ સાથે મળીને કામ કરીશું. દરેક કાર્ય માટે અલગ-અલગ ટીમો છે.

SJTA ચીફ એડમિનિસ્ટ્રેટરના નેતૃત્વમાં રત્ના ભંડાર માટે નિષ્ણાત (Jagannath Temple Treasure) ટીમની રચના કરવામાં આવી છે. જેમાં નિષ્ણાત પેનલના સભ્યો તરીકે ASI, નોકરો, મેનેજમેન્ટ કમિટી અને હાઇ પાવર કમિટીના પ્રતિનિધિઓનો સમાવેશ કરવામાં આવ્યો છે. મંદિરની તિજોરી આજે શુભ મુહૂર્તમાં ખોલવામાં આવશે. સૌથી પહેલા પુરી જિલ્લા પ્રશાસન પાસે હાજર ડુપ્લીકેટ ચાવીથી તિજોરી ખોલવાનો પ્રયાસ કરવામાં આવશે, કારણ કે આ મંદિરના તિજોરીની ચાવીઓ ખોવાઈ ગઈ છે. જો તિજોરી નહીં ખૂલે તો તો મેજિસ્ટ્રેટની હાજરીમાં તાળા તોડવામાં આવશે. છેલ્લી વખત ઇન્વેન્ટરી પ્રક્રિયા પૂર્ણ કરવામાં 70 દિવસથી વધુ સમય લાગ્યો હતો. આ વખતે ટેક્નોલોજીની મદદથી ઓછા સમયમાં આ કામ પૂર્ણ કરવાનો પ્રયાસ કરવામાં આવશે.

મંદિરના આ કામથી ધાર્મિક વિધિઓ કે દર્શનના સમયમાં (Jagannath Temple Treasure) કોઈ અસર થશે નહીં. અગાઉની BJD સરકારે તેના 24 વર્ષના શાસન દરમિયાન રત્ન ભંડાર ખોલ્યું ન હતું. ભાજપ સરકારે સત્તામાં આવ્યાના એક મહિનામાં તેને ખોલવાનો નિર્ણય કર્યો છે. પ્રક્રિયા સરળતાથી પૂર્ણ કરવા માટે અમે તેને ભગવાન જગન્નાથ પર છોડી દીધું છે. પુરીમાં, જસ્ટિસ રથે કહ્યું કે મેડિકલ ટીમ, હેલ્પલાઇનના સભ્યો અને લોક તોડનાર જૂથ સ્ટેન્ડબાય પર છે.