એક કાર ડ્રાઈવરે યુવકને ટક્કર મારી. ત્યાર બાદ તેણે યુવકને કારના બોનટ પર અડધો કિલોમીટર ઢસડ્યો. હ્રદયદ્રાવક આ ઘટના દિલ્હીના રાજૌરી ગાર્ડનની છે.
પ્રતીકાત્મક તસવીર
દિલ્હીના (Delhi) લોકો હાલ કંઝાવાલા કાંડ ભૂલ્યા પણ નથી ત્યા રાજધાની દિલ્હીમાં (Delhi) હિટ એન્ડ રનનો વધુ એક કિસ્સો સામે આવ્યો છે. આમાં એક કાર ડ્રાઈવરે યુવકને ટક્કર મારી. ત્યાર બાદ તેણે યુવકને કારના બોનટ પર અડધો કિલોમીટર ઢસડ્યો. હ્રદયદ્રાવક આ ઘટના દિલ્હીના રાજૌરી ગાર્ડનની છે.
હૉર્ન વગાડવાની વાત પર થયો ઝગડો
કહેવામાં આવી રહ્યું છે કે રાજૌરી ગાર્ડન વિસ્તારમાં માત્ર હૉર્ન વગાડવાની વાત પર બે પક્ષોનો ઝગડો થઈ ગયો હતો. આ ઝગડામાં કાર ડ્રાઈવર યુવકે એક વ્યક્તિને ટક્કર મારી. ત્યાર બાદ તેણે યુવકને બોનેટ પર અડધો કિલોમીટર સુધી ઢસડ્યો.
ADVERTISEMENT
સીસીટીવીમાં ઝડપાઈ ઘટના
જો કે, તેની આ હરકત સીસીટીવી કેમેરામાં કેદ થઈ. જેમાં સ્પષ્ટરીતે કારના બોનેટ પર યુવક જોઈ શકાય છે. ઘટનાની ગંભીરતાને જોતાં પોલીસ કેસની તપાસમાં લાગી ગઈ છે. કારના નંબર પરથી આરોપીની કરવામાં આવી રહી છે શોધ. સાથે જ પીડિત વિશે પણ માહિતી એકઠી કરવામાં લાગી છે પોલીસ.
આ પહેલા કંઝાવાલામાં 1 જાન્યુઆરીએ થયેલી ઘટનાએ દિલ્હી જ નહીં આખા દેશને હલબલાવી મૂકી હતી. અહીં એક રાહગીરે કારની પાછળ મૃતદેહ ઢસડતો જોયો. ત્યાર બાદ તેણે પોલીસને લગભગ 3.24 વાગ્યે કૉલ કર્યો. દીપક નામના યુવકે જણાવ્યું હતું કે તે લગભગ 3.15 વાગ્યે દૂધની ડિલીવરીની રાહ જોઈ રહ્યો હતો, ત્યારે તેણે એક કાર આવતી જોઈ. પાછળના ટાયરમાંથી જોર જોરથી અવાજ આવતો હતો.
ત્યાર બાદ તેણે પોલીસને કારની પાછળ મૃતદેહ લટકવાની માહિતી પોલીસને આપી હતી. દીપકે કહ્યું હતું કે તે સવારે 5 વાગ્યા સુધી પોલીસના સંપર્કમાં રહ્યો. પણ, કોઈ ઘટનાસ્થળે આવ્યું નહીં. તેણે બેગમપુર સુધી કારનો પીછો કર્યો હતો.
આ પણ વાંચો : Mumbaiમાં બે વર્ષ બાદ તાતા મેરેથૉન, તસવીરોમાં ઊમટ્યું માનવ મેહરામણ, આ છે વિજેતાઓ
આ ઘટનામાં 1 જાન્યુઆરીના અંજલિનું મોત થયું હતું. તેના મૃતદેહને દિલ્હીના રસ્તા પર 12 કિલોમીટર સુધી ઢસડ્યો હતો. પણ, ચોંકાવનારી વાત એ છે કે આ બધું તે રાતે થયું, જ્યારે આખો દેશ ન્યૂયરનો ઉત્સવ ઉજવી રહ્યો હતો. દિલ્હી પોલીસની કડક સુરક્ષાના દાવા વચ્ચે અંજલિએ રસ્તામાં જીવ ગુમાવ્યો હતો.
