કાલિકટથી સાઉદી અરેબિયા જઈ રહેલી એર ઈન્ડિયા (Air India)ની ફ્લાઈટમાં હાઈડ્રોલિક ફેલ થવાની શંકા હતી. આ પછી એર ઈન્ડિયા એક્સપ્રેસ ફ્લાઈટ IX 385ને તિરુવનંતપુરમ તરફ વાળવામાં આવી
ફાઇલ તસવીર
એરક્રાફ્ટના લેન્ડિંગ માટે શુક્રવારે તિરુવનંતપુરમ એરપોર્ટ (Thiruvananthapuram Airport) પર સંપૂર્ણ ઈમરજન્સી લાદવામાં આવી હતી. કાલિકટથી સાઉદી અરેબિયા જઈ રહેલી એર ઈન્ડિયા (Air India)ની ફ્લાઈટમાં હાઈડ્રોલિક ફેલ થવાની શંકા હતી. આ પછી એર ઈન્ડિયા એક્સપ્રેસ ફ્લાઈટ IX 385ને તિરુવનંતપુરમ તરફ વાળવામાં આવી હતી, જેમાં 168 મુસાફરો હતા.
કાલિકટમાં ટેકઓફ સમયે પાછળનો ભાગ રનવે સાથે અથડાયો
ADVERTISEMENT
એક મીડિયા હાઉસે સૂત્રોને ટાંકીને જણાવ્યું કે “કાલિકટથી ટેકઓફ દરમિયાન એરક્રાફ્ટનો પાછળનો ભાગ રનવે સાથે અથડાયો હતો. લેન્ડિંગ પહેલાં સાવચેતીના પગલાં તરીકે એરક્રાફ્ટનું વધારાનું ઇંધણ અરબી સમુદ્રમાં છોડવામાં આવ્યું હતું. આવું એટલા માટે કરવામાં આવ્યું જેથી લેન્ડિંગ દરમિયાન એરક્રાફ્ટમાં આગ લાગવાની શક્યતાને ઘટાડી શકાય.
3:30 વાગ્યે બીજી ફ્લાઈટ દ્વારા મોકલવામાં આવશે
એર ઈન્ડિયા એક્સપ્રેસે જણાવ્યું હતું કે શુક્રવારે બપોરે 12:15 વાગ્યે વિમાન તિરુવનંતપુરમ એરપોર્ટ પર સુરક્ષિત રીતે ઉતર્યું હતું. વિમાનમાં 168 મુસાફરો સવાર હતા. દરેક વ્યક્તિ સુરક્ષિત છે. મુસાફરો બપોરે 3.30 વાગ્યે બીજી ફ્લાઈટ દ્વારા સાઉદીના દમ્મામ જવા રવાના થશે.
એર ઈન્ડિયાના વિમાનમાં જાન્યુઆરીમાં પણ હાઈડ્રોલિક ફેઈલ થયું હતું
આ વર્ષે 29 જાન્યુઆરીએ એર ઈન્ડિયાની ફ્લાઈટ IX 412માં હાઈડ્રોલિક ફેઈલ થઈ ગયું હતું. આ વિમાન શારજાહથી કોચી જઈ રહ્યું હતું. તેમાં 183 મુસાફરો અને 6 ક્રૂ મેમ્બર હતા. આ દરમિયાન કોચી એરપોર્ટ પર વિમાનના ઉતરાણ માટે સંપૂર્ણ ઈમરજન્સી લાગુ કરવામાં આવી હતી. આ પછી વિમાનનું ઈમરજન્સી લેન્ડિંગ કરવામાં આવ્યું હતું.
આ પણ વાંચો: પીરિયડ્સ લીવની આશા રાખતી મહિલાઓને ઝટકો, SCએ અરજી સાંભળવાનો કર્યો ઇનકાર
હાઇડ્રોલિક એટલે શું?
પ્લેનના લેન્ડિંગ ગિયર્સ એટલે કે વ્હીલ્સ હાઇડ્રોલિક પ્રેશર પર કામ કરે છે. આ માટે, વિવિધ પિસ્ટન અને સિલિન્ડરોનો ઉપયોગ કરવામાં આવે છે, જે તેલથી ભરેલા હોય છે. જ્યારે એક બાજુના પિસ્ટનમાં તેલને દબાણ કરવામાં આવે છે, ત્યારે તે જ દબાણ બીજી બાજુના પિસ્ટનમાં પહોંચે છે. જ્યારે આ સિસ્ટમમાં ખામી સર્જાય છે ત્યારે લેન્ડિંગ દરમિયાન એરક્રાફ્ટના પૈડા યોગ્ય રીતે ખુલતા નથી. આ સ્થિતિ ખતરનાક બની શકે છે.
