દિલ્હીમાં ૪ દિવ્યાંગ દીકરીઓને ઝેર આપીને પિતાએ પણ કરી આત્મહત્યા

ઘટનાસ્થળેથી કોઈ સુસાઇડ નોટ મળી આવી નથી

પિતાએ ચાર દીકરીને ઝેર આપીને મારી

સાઉથ-વેસ્ટ દિલ્હીના રંગપુરી ગામમાં એક ફ્લૅટમાંથી કાર્પેન્ટર પિતા અને ૮થી ૧૮ વર્ષની વય ધરાવતી ચાર દિવ્યાંગ દીકરીઓના મૃતદેહ ગઈ કાલે મળી આવ્યા હતા. પોલીસની પ્રાથમિક તપાસમાં આ સામૂહિક આત્મહત્યાનો કેસ લાગે છે, જેમાં પિતાએ ચાર દીકરીને ઝેર આપીને મારી નાખ્યા બાદ પોતે આત્મહત્યા કરી લીધી હશે એવું માનવામાં આવી રહ્યું છે.

આ ઘરમાંથી વાસ આવવા લાગતાં પાડોશીઓએ પોલીસને બોલાવી હતી. ઘરમાંથી પોલીસને પાંચ મૃતદેહ મળી આવ્યા હતા. પાડોશીઓએ જણાવ્યું હતું કે આઠ વર્ષથી આ પરિવાર મકાનના ચોથા માળે રહેતો હતો. દિવ્યાંગ દીકરીઓની મમ્મી થોડાં વર્ષ પહેલાં કૅન્સરથી મૃત્યુ પામી હતી. પિતા જ ચારેય દીકરીઓની કાળજી રાખતા હતા. પોલીસે જણાવ્યું હતું કે ઘટનાસ્થળેથી કોઈ સુસાઇડ નોટ મળી આવી નથી. પોલીસે ઘટનાસ્થળેથી ફૂડસામગ્રી અને દવાનાં સૅમ્પલો લઈને તપાસ માટે મોકલી દીધાં છે.

ADVERTISEMENT