એક્ઝિટ પોલ પર નજર કરીએ તો વડાપ્રધાન નરેન્દ્ર મોદીના નેતૃત્વમાં ભાજપ સતત ત્રીજી વખત સરકાર બનાવતી દેખાઈ રહી છે
નરેન્દ્ર મોદીની ફાઇલ તસવીર
દેશમાં લોકસભાની ચૂંટણી પૂરી થઈ ગઈ છે. આ દરમિયાન એક્ઝિટ પોલ (Exit Polls 2024)ના પરિણામો પણ સામે આવ્યા છે. એક્ઝિટ પોલ પર નજર કરીએ તો વડાપ્રધાન નરેન્દ્ર મોદીના નેતૃત્વમાં ભાજપ સતત ત્રીજી વખત સરકાર બનાવતી દેખાઈ રહી છે. પોલ ઑફ પોલ (Exit Polls 2024)માં એનડીએને 350 સીટો મળતી દેખાઈ રહી છે, જ્યારે ઇન્ડિયા ગઠબંધન 125-130 સીટો સુધી સીમિત જણાય છે.
આ પોલમાં એનડીએ 400ની નજીક
ADVERTISEMENT
જન કી બાતના એક્ઝિટ પોલ (Exit Polls 2024)માં એનડીએને મહત્તમ 362-392 બેઠકો મળવાનો અંદાજ છે, જેમાં વિપક્ષી ઇન્ડિયા ગઠબંધનને 141-161 બેઠકો મળવાનો અંદાજ છે. આ પછી ઈન્ડિયા ન્યૂઝ-ડી ડાયનેમિક્સનું અનુમાન છે કે એનડીએને 371 સીટો મળશે. ઇન્ડિયા 125 સીટો જીતી શકે છે અને અન્ય 47 સીટો જીતી શકે છે.
કયા એક્ઝિટ પોલમાં કોને કેટલી સીટ મળી?
રિપબ્લિક ભારત મેટ્રિક્સના એક્ઝિટ પોલ અનુસાર, ભાજપને 353-368 બેઠકો અને ઈન્ડિયા એલાયન્સને 118-133 બેઠકો મળી શકે છે. રિપબ્લિક ટીવી-પી MARQ એ એક્ઝિટ પોલમાં NDA માટે સૌથી ઓછી બેઠકો જાહેર કરી છે. રિપબ્લિક TV-P MARQ અનુસાર, આ લોકસભા ચૂંટણીમાં NDA 359 સીટો જીતી શકે છે, ઇન્ડિયા એલાયન્સ 154 સીટો અને 30 અન્ય સીટો જીતી શકે છે.
ભાજપ 400ના નારા સાથે ચૂંટણી લડી
આ લોકસભા ચૂંટણીમાં ભાજપ 400થી વધુના નારા સાથે ચૂંટણી લડી રહી હતી. આ ચાર એક્ઝિટ પોલમાં એનડીએ 400ને પાર કરતી જોવા મળી નથી. જો કે, જન કી બાત એક્ઝિટ પોલે ભાજપને મહત્તમ 362-392 બેઠકો આપી છે, જે 400ની નજીક છે.
આ વખતે, 400ના આંકડાને સ્પર્શવા માટે, ભાજપના વરિષ્ઠ નેતાઓએ દક્ષિણ ભારતના રાજ્યોમાં વિશાળ રેલીઓ યોજી હતી. એક્ઝિટ પોલ પર નજર કરીએ તો કર્ણાટક સિવાય દક્ષિણ ભારતના રાજ્યોમાં બીજેપી સારો દેખાવ કરી રહી હોય તેવું લાગતું નથી. જોકે, એક્ઝિટ પોલમાં દાવો કરવામાં આવી રહ્યો છે કે આ વખતે ભાજપ તમિલનાડુમાં પોતાનું ખાતું ખોલાવી શકે છે.
કૉન્ગ્રેસના પ્રવક્તાઓ આજે એક્ઝિટ પોલની ચર્ચામાં સામેલ નહીં થાય
કૉન્ગ્રેસ પાર્ટીએ ગઈ કાલે જાહેરાત કરી હતી કે સાતમા તબક્કાનું મતદાન પૂર્ણ થયા બાદ વિવિધ ટીવી ચૅનલો, સોશ્યલ અને ડિજિટલ મીડિયા પ્લૅટફૉર્મ પર થનારા એક્ઝિટ પોલ વિશેની ડિબેટમાં કૉન્ગ્રેસના પ્રવક્તાઓ ભાગ નહીં લે. કૉન્ગ્રેસનું કહેવું છે કે આવી ડિબેટથી કોઈ સાર્થક પરિણામ આવતાં નથી. ચાર જૂને થનારી મતગણતરી બાદ દેશની જનતાનો જનાદેશ સામે આવશે અને પાર્ટી એનો સ્વીકાર કરશે. કૉન્ગ્રેસના પ્રવક્તા પવન ખેડાએ સોશ્યલ મીડિયા પ્લૅટફૉર્મ પર કહ્યું હતું કે મતદાન બાદ જનાદેશ ઇલેક્ટ્રૉનિક વોટિંગ મશીન (EVM)માં કેદ થઈ જાય છે. આથી ચાર જૂને મતગણતરી પહેલાં કોઈ પણ અટકળો વિશેની ચર્ચામાં સામેલ થવું એ કેવળ TRPનો ખેલ છે.
