એન્ફોર્સમેન્ટ ડિરેક્ટોરેટ (ED) એ શુક્રવારે દિલ્હી (Delhi), મુંબઈ(Mumbai) અને પટના(Patna)માં અનેક સ્થળોએ દરોડા પાડ્યા હતા. EDની ટીમે લાલુ યાદવની દીકરીઓ(Lalu Yadav Daughters)ના ઘર સહિત દિલ્હીમાં 15 સ્થળો પર દરોડા પાડ્યા છે.
લાલુ પ્રસાદ યાદવ
લેન્ડ ફોર જોબ કૌભાંડ કેસમાં એન્ફોર્સમેન્ટ ડિરેક્ટોરેટ (ED) એ શુક્રવારે દિલ્હી (Delhi), મુંબઈ(Mumbai) અને પટના(Patna)માં અનેક સ્થળોએ દરોડા પાડ્યા હતા. EDની ટીમે લાલુ યાદવની દીકરીઓ(Lalu Yadav Daughters)ના ઘર સહિત દિલ્હીમાં 15 સ્થળો પર દરોડા પાડ્યા છે. આ સાથે EDની ટીમ પટનામાં પૂર્વ આરજેડી ધારાસભ્ય કે અબુ દોજાના ઘરે પણ પહોંચી ગઈ છે અને દરોડા પાડવામાં આવી રહ્યા છે. પૂર્વ ધારાસભ્ય અબુ દોજાના વ્યવસાયે બિલ્ડર છે.
જમીનના બદલામાં નોકરીના મામલામાં લાલુ યાદવની મુશ્કેલીઓ વધી રહી છે. બે દિવસ પહેલા જ સીબીઆઈની ટીમે દિલ્હીમાં લાલુ યાદવની પૂછપરછ કરી હતી. બીજી તરફ EDએ શુક્રવારે બે રાજ્યોમાં દરોડા પાડ્યા છે. લાલુ યાદવની ત્રણ દીકરીઓના ઘર પર પણ દરોડા પાડવામાં આવ્યા છે. હેમા, રાગિણી અને ચંદાનું ઘર દિલ્હીમાં છે, જેના ઘરે EDની ટીમ હાજર છે. સૂત્રોનું માનીએ તો EDની ટીમ બિહારના નાયબ મુખ્યમંત્રી અને લાલુ યાદવના પુત્ર તેજસ્વી યાદવના દિલ્હી નિવાસસ્થાને પણ પહોંચી છે.
ADVERTISEMENT
લેન્ડ ફોર જોબ કૌભાંડ શું છે?
આ કેસ 2004 થી 2009 ની વચ્ચે રેલ્વે મંત્રી તરીકેના તેમના કાર્યકાળ દરમિયાન લાલુ પ્રસાદની કથિત `ગ્રુપ-ડી` નોકરી સાથે સંબંધિત છે, કાં તો તેમના પરિવારને જમીન ભેટમાં આપીને અથવા જમીન વેચીને. એફઆઈઆરમાં એવો આક્ષેપ કરવામાં આવ્યો છે કે મુંબઈ, જબલપુર, કોલકાતા, જયપુર અને હાજીપુર સ્થિત રેલવેના વિવિધ ઝોનમાં 2004-2009 દરમિયાન ગ્રુપ-ડીની જગ્યાઓ પર કેટલાક લોકોની નિમણૂક કરવામાં આવી હતી અને તેના બદલામાં તેઓએ અથવા તેમના પરિવારના સભ્યોએ લાલુ યાદવના નામે જમીન અને એકે ઈન્ફોસિસ્ટમ્સ પ્રાઈવેટ લિમિટેડ નામની કંપનીના નામે જમીન કરી. બાદમાં આ કંપનીની માલિકી લાલુ યાદવ પ્રસાદના પરિવારના સભ્યોએ લઈ લીધી હતી.
આ પણ વાંચો: અમે તો ફસાયા, તમે ન ફસાતા
એવો પણ આરોપ છે કે પટનામાં લાલુ પ્રસાદના પરિવારના સભ્યોએ પાંચ વેચાણ સોદાઓ, બે ભેટ સોદાઓ દ્વારા લોકો પાસેથી 1,05,292 ચોરસ ફૂટ જમીન લીધી હતી. આ માટે વિક્રેતાઓને રોકડમાં ચૂકવણી કરવાનું કહેવામાં આવ્યું હતું. આ જમીનની કિંમત હાલના `સર્કલ રેટ; 4.32 કરોડ, પરંતુ આ જમીન લાલુ પ્રસાદના પરિવારને તેના કરતા ઘણી ઓછી કિંમતે વેચવામાં આવી હતી.