તેના પરિવારજનોએ સમાજવાદી પાર્ટીના નેતાઓ પર ગંભીર આરોપ લગાવ્યા છે
પ્રતીકાત્મક તસવીર
ઉત્તર પ્રદેશમાં સમાજવાદી પાર્ટીના નેતા અખિલેશ યાદવના ગઢ મનાતા મૈનપુરી જિલ્લામાં કરહલ વિધાનસભાની પેટાચૂંટણીમાં એક દલિત યુવતીએ ભારતીય જનતા પાર્ટી (BJP)ને મત આપવાની વાત કહેતાં બે દિવસ બાદ બુધવારે આ યુવતીનો મૃતદેહ નગ્નાવસ્થામાં ગામમાં આવેલી કંજાલ નદીની કનૅલમાં એક ગૂણીમાંથી મળી આવ્યો હતો. યુવતીની હત્યાથી આ વિસ્તારમાં હાહાકાર મચી ગયો છે અને તેના પરિવારજનોએ સમાજવાદી પાર્ટીના નેતાઓ પર ગંભીર આરોપ લગાવ્યા છે. તેના પર બળાત્કાર પણ થયો હોવાની આશંકા છે.
આ સંદર્ભે યુવતીના પિતાએ પોલીસ-ફરિયાદમાં કહ્યું હતું કે ‘ગામમાં સોમવારે સમાજવાદી પાર્ટીના નેતા પ્રશાંત યાદવ તેમના મોહલ્લામાં આવ્યા હતા અને તેમની દીકરીને સમાજવાદી પાર્ટીને મત આપવાની વાત કહી હતી. આ સમયે દીકરીએ કહ્યું હતું કે વડા પ્રધાન નરેન્દ્ર મોદીએ તેમને ઘર આપ્યું છે એથી તે BJPને મત આપશે. આ વાત સાંભળતાં પ્રશાંત ગુસ્સે થઈ ગયો હતો અને સમાજવાદી પાર્ટીને જ મત આપવા દબાણ કર્યું હતું. મંગળવારની રાતે આ યુવતીનું બે જણે અપહરણ કર્યું હતું.’
ADVERTISEMENT
આ મુદ્દે પોલીસે સમાજવાદી પાર્ટીના નેતા પ્રશાંત યાદવ અને ડૉ. મોહન પર હત્યાનો આરોપ લગાવીને બેઉની અટક કરી કસ્ટડીમાં લીધા છે અને પૂછપરછ શરૂ કરી દીધી છે.
