દેશમાં ફરી એકવાર કોરોનાના કેસ (Coroan Case in India)માં વધારો થયો છે. દેશમાં સક્રિય દર્દીઓની સંખ્યા વધીને 21 હજારથી વધુ થઈ ગઈ છે. એટલે કે હવે દેશમાં 21,179 દર્દીઓ સારવાર હેઠળ છે.
દેશમાં 21 હજારથી વધુ એક્ટિવ કેસ
દેશમાં ફરી એકવાર કોરોનાના કેસ (Coroan Case in India)માં વધારો થયો છે. આ આંકડાઓ ભયાનક છે. સતત ત્રીજા દિવસે 24 કલાકમાં ત્રણ હજારથી વધુ સંક્રમિત કેસો મળી આવ્યા છે. આંકડાઓ પર નજર કરીએ તો સોમવારે કુલ એક લાખ 64 હજાર 740 લોકોની તપાસ કરવામાં આવી હતી. તેમાંથી 3,038 લોકો સંક્રમિત જોવા મળ્યા છે. આ સાથે દેશમાં સક્રિય દર્દીઓની સંખ્યા વધીને 21 હજારથી વધુ થઈ ગઈ છે. એટલે કે હવે દેશમાં 21,179 દર્દીઓ સારવાર હેઠળ છે. તેઓ કાં તો હોસ્પિટલમાં દાખલ છે અથવા ઘરે રહીને તેમની સારવાર કરાવી રહ્યા છે. કેન્દ્રીય સ્વાસ્થ્ય મંત્રાલયે મંગળવારે આ આંકડા જાહેર કર્યા છે.
24 કલાકમાં સાત લોકોએ જીવ ગુમાવ્યા છે
ADVERTISEMENT
છેલ્લા 24 કલાકમાં કોરોના સંક્રમણને કારણે નવ લોકોના મોત થયા છે. કેન્દ્રીય સ્વાસ્થ્ય મંત્રાલયના જણાવ્યા અનુસાર પંજાબ, દિલ્હી અને કેરળમાં બે-બે લોકોના મોત થયા છે. આ સિવાય જમ્મુ કાશ્મીર, મહારાષ્ટ્ર અને ઉત્તરાખંડમાં એક-એક સંક્રમિત વ્યક્તિએ પોતાનો જીવ ગુમાવ્યો છે. આ સાથે, ચેપને કારણે મૃત્યુઆંક વધીને 5 લાખ 30 હજાર 901 થઈ ગયો છે.
આ પણ વાંચો: કિટ જ નથી તો કોરોનાની ટેસ્ટિંગ કઈ રીતે થશે?
કોરોના સંબંધિત અન્ય આંકડા
- દેશમાં અત્યાર સુધીમાં ચાર કરોડ 47 લાખ 29 હજાર 284 લોકો સંક્રમણની ઝપેટમાં આવી ચુક્યા છે.
- અત્યાર સુધી જે લોકો સંક્રમિત થયા છે તેમાંથી 0.05 ટકા એવા દર્દીઓ છે, જેમની સારવાર ચાલી રહી છે. તેને સક્રિય દર્દી કહેવામાં આવે છે.
- 98.76 ટકા દર્દીઓ સાજા થયા છે. ચેપના કારણે 1.19 ટકા દર્દીઓ મૃત્યુ પામ્યા છે.
- અત્યાર સુધીમાં 220.66 કરોડ કોવિડ ડોઝ આપવામાં આવ્યા છે.
નોંધ આ આંકડા સ્વાસ્થ્ય મંત્રાલયમાંથી લેવામાં આવ્યા છે
