કૉંગ્રેસ સાંસદ અને લોકસભામાં વિપક્ષના નેતા રાહુલ ગાંધીએ દાવો કર્યો છે કે ED તેમના ઘરે દરોડા પાડી શકે છે. કૉંગ્રેસ નેતાએ કહ્યું કે, લાગે છે કે સરકારને મારું ચક્રવ્યૂહવાળું ભાષણ પસંદ પડ્યું નથી.
રાહુલ ગાંધી (ફાઈલ તસવીર)
કૉંગ્રેસ સાંસદ અને લોકસભામાં વિપક્ષના નેતા રાહુલ ગાંધીએ દાવો કર્યો છે કે ED તેમના ઘરે દરોડા પાડી શકે છે. કૉંગ્રેસ નેતાએ કહ્યું કે, લાગે છે કે સરકારને મારું ચક્રવ્યૂહવાળું ભાષણ પસંદ પડ્યું નથી.
લોકસભામાં નેતા પ્રતિપક્ષ રાહુલ ગાંધીએ આજે મોટો દાવો કર્યો છે કે સદનમાં તેમણે આપેલા ચક્રવ્યૂહવાળા ભાષણ બાદ તેમના વિરુદ્ધ પ્રવર્તન નિદેશાલય (ED)ના દરોડાની તૈયારી કરવામાં આવી રહી છે. આ બાબત કૉંગ્રેસ નેતાએ સોશિયલ મીડિયા પ્લેટફૉર્મ `X` પર પોસ્ટ કરી, "દેખીતી રીતે ‘2 ઇન 1’ને મારું ચક્રવ્યુહ ભાષણ ગમ્યું નહીં. EDના આંતરિક સૂત્રોએ મને કહ્યું છે કે દરોડાની તૈયારી કરવામાં આવી રહી છે. હું ED માટે મારા પૂરા હૃદયથી રાહ જોઈ રહ્યો છું. મારા તરફથી ચા અને બિસ્કિટ."
ADVERTISEMENT
રાહુલ ગાંધીએ સોમવારે લોકસભામાં બજેટ પર ચર્ચામાં ભાગ લેતા કેન્દ્ર સરકાર પર જબરજસ્ત હુમલો કર્યો હતો. તેમણે કહ્યું હતું કે BJPના `ચક્રવ્યૂહ`માં દેશ ફસાઈ ગયો છે. દેશમાં આજે ડરનો માહોલ છે. દેશમાં યુવાન, ખેડૂત બધા ડરેલા છે. હિંસા અને નફરત હિંદુસ્તાનનો સ્વભાવ નથી. ચક્રવ્યૂહમાં ડર અને હિંસા થાય છે. તેમનો આરોપ હતો કે BJPએ હિંદુસ્તાનને અભિમન્યુની જેમ ચક્રવ્યૂહમાં ફસાવી દીધા છે. તેમણે એ પણ કહ્યું હતું કે વિપક્ષી ગઠબંધન `ઇન્ડિયન નેશનલ ડેવલપમેન્ટ ઇન્ક્લૂસિવ અલાયન્સ` (INDIA) આ ચક્રવ્યૂહને તોડશે.
વાસ્તવમાં, વિપક્ષના નેતાએ શાસક ભાજપ પર નિશાન સાધતા કહ્યું, “હજારો વર્ષ પહેલા કુરુક્ષેત્રમાં અભિમન્યુને છ લોકોએ ચક્રવ્યૂહમાં ફસાવીને મારી નાખ્યો હતો... ચક્રવ્યૂહનું બીજું નામ છે - `પદ્માવ્યૂહ`, જે 2017માં છે. કમળના ફૂલનો આકાર. તેની અંદર ભય અને હિંસા છે.” તેમણે દાવો કર્યો હતો કે, “અભિમન્યુને ચક્રવ્યૂહમાં 6 લોકોએ મારી નાખ્યો હતો, તેમના નામ દ્રોણાચાર્ય, કર્ણ, અશ્વત્થામા, કૃપાચાર્ય, કૃતવર્મા અને શકુની છે. આજે પણ છ લોકો એવા છે જેમણે ચક્રવ્યૂહની રચના કરી છે.” ત્યારબાદ કોંગ્રેસ નેતાએ વડાપ્રધાન મોદી અને ગૃહમંત્રી અમિત શાહ સિવાય ચાર અન્ય લોકોના નામ લીધા, જેના પર લોકસભાના અધ્યક્ષ ઓમ બિરલાએ વાંધો ઉઠાવ્યો હતો.
એટલું જ નહીં, લોકસભામાં વિપક્ષના નેતા રાહુલ ગાંધીએ મંગળવારે તેમના બેંક ખાતામાં લઘુત્તમ બેલેન્સ ન રાખવા બદલ ગ્રાહકો પર દંડ લગાવવા માટે કેન્દ્ર સરકાર પર નિશાન સાધ્યું અને દાવો કર્યો કે જનતા વડાપ્રધાન મોદીના ચક્રને તોડી નાખશે અને દરેક અત્યાચારનો જવાબ આપશે. તેમણે એમ પણ કહ્યું હતું કે જનતા અભિમન્યુ નહીં, પરંતુ અર્જુન છે.
જણાવી દઈએ કે નાણા રાજ્ય મંત્રી પંકજ ચૌધરીએ ગયા સોમવારે લોકસભામાં એક પ્રશ્નના જવાબમાં જણાવ્યું હતું કે જાહેર ક્ષેત્રની બેંકોએ નાણાકીય વર્ષ 2024માં સરેરાશ માસિક લઘુત્તમ બેલેન્સ ન રાખવા બદલ થાપણદારો પર 2,331 કરોડ રૂપિયાનો દંડ ફટકાર્યો છે.
આ અંગે રાહુલ ગાંધીએ સોશિયલ મીડિયા પ્લેટફોર્મ પર પોસ્ટ કરી હતી મૈત્રીપૂર્ણ ઉદ્યોગપતિઓના રૂ. 16 લાખ કરોડ માફ કરનાર સરકારે ગરીબ ભારતીયો પાસેથી રૂ. 8500 કરોડ વસૂલ કર્યા છે જેઓ ‘મિનિમમ બેલેન્સ’ પણ જાળવવામાં અસમર્થ હતા. તેમણે દાવો કર્યો હતો કે, `પેનલ્ટી મિકેનિઝમ` એ મોદીના ચક્રવ્યૂહનો દરવાજો છે જેના દ્વારા સામાન્ય ભારતીયની કમર તોડવાના પ્રયાસો થઈ રહ્યા છે. પરંતુ યાદ રાખો, ભારતના લોકો અભિમન્યુ નથી, તેઓ અર્જુન છે, તેઓ ચક્રવ્યુહને તોડીને તમારા દરેક અત્યાચારનો જવાબ આપવા જાણે છે.
