CM Oath Ceremony: મધ્યપ્રદેશમાં મોહન યાદવ સવારે 11.30 વાગ્યે મુખ્યમંત્રી પદના શપથ લેશે તો છત્તીસગઢમાં સાંજે 4 વાગ્યે વિષ્ણુ દેવ મુખ્યમંત્રી પદ માટે શપથ ગ્રહણ કરશે.
વિષ્ણુ દેવ અને મોહન યાદવની ફાઇલ તસવીરનો કૉલાજ
મધ્યપ્રદેશ અને છત્તીસગઢના નવા સીએમ આજે શપથ (CM Oath Ceremony) લેવાના છે. મધ્યપ્રદેશમાં મોહન યાદવ સવારે 11.30 વાગ્યે મુખ્યમંત્રી પદના શપથ લેશે તો છત્તીસગઢમાં સાંજે 4 વાગ્યે વિષ્ણુ દેવ મુખ્યમંત્રી પદ માટે શપથ ગ્રહણ કરશે. આ બંને સમારોહ (CM Oath Ceremony)માં વડાપ્રધાન નરેન્દ્ર મોદી પણ હાજર રહેવાના છે.
મોહન યાદવની સાથે બે ડેપ્યુટી સીએમ પણ લેશે શપથ
ADVERTISEMENT
આજે મધ્યપ્રદેશમાં શપથ ગ્રહણ સમારોહ (CM Oath Ceremony) ભવ્ય રીતે યોજાશે. આ સમારોહમાં વિધાયક દળના નેતા મોહન યાદવ મુખ્યમંત્રી પદના શપથ લેશે. પ્રાપ્ત માહિતી અનુસાર મોહન યાદવની સાથે જ રાજેન્દ્ર શુક્લા અને જગદીશ દેવરા પણ ડેપ્યુટી સીએમ તરીકે શપથ લેવાના છે. આ સમારોહ ભોપાલના લાલ પરેડ ગ્રાઉન્ડમાં યોજાશે. આ સમારોહમાં વડાપ્રધાન મોદી, ગૃહમંત્રી અમિત શાહ, સંરક્ષણ મંત્રી રાજનાથ સિંહ, નીતિન ગડકરી, જેપી નડ્ડા સહિત ભાજપના અનેક દિગ્ગજ નેતાઓ હાજરી આપવાના છે.
કૉન્ગ્રેસના આ નેતાઓને પણ આમંત્રણ
છત્તીસગઢના નવા સીએમ વિષ્ણુ દેવએ પૂર્વ મુખ્યમંત્રી ભૂપેશ બઘેલ, પૂર્વ ડેપ્યુટી સીએમ ટીએસ સિંહ દેવ અને છત્તીસગઢ પ્રદેશ કૉન્ગ્રેસ સમિતિના અધ્યક્ષ દીપક બૈજને પણ શપથ ગ્રહણ સમારોહ માટે આમંત્રણ આપ્યું છે. આ સાથે જ મધ્યપ્રદેશ સરકારના શપથ ગ્રહણ સમારોહ (CM Oath Ceremony)માં કૉન્ગ્રેસના પ્રદેશ અધ્યક્ષ કમલનાથ અને અન્ય ઘણા નેતાઓને આમંત્રણ આપવામાં આવ્યું છે.
જ્યારે ભાજપે છત્તીસગઢમાં કૉન્ગ્રેસને સત્તા પરથી હટાવી દીધી હતી ત્યારે તેણે મધ્યપ્રદેશમાં પણ સરકાર જાળવી રાખી હતી. છત્તીસગઢની 90 બેઠકોમાંથી ભાજપે 54 બેઠકો જીતીને બહુમતી મેળવી છે. અહીં કૉન્ગ્રેસને 35 બેઠકો મળી હતી. મધ્યપ્રદેશની વાત કરીએ તો ભાજપે 230માંથી 163 બેઠકો જીતીને સત્તામાં વાપસી કરી છે. જ્યારે કોંગ્રેસ 66 બેઠકો પર ઘટી હતી.
તમને જણાવી દઈએ કે ભાજપ દેશની અડધી વસ્તી પર ફોકસ કરીને લોકસભા ચૂંટણી 2024ની તૈયારી કરી રહી છે. લોકસભામાં મહિલાઓની ભાગીદારી વધારવા માટે પણ કાયદો લાવવામાં આવ્યો છે. હવે રાજ્ય મંત્રીમંડળમાં મહિલાઓને વધુ પ્રતિનિધિત્વ આપીને મોટો સંદેશ આપી શકે છે. આ પક્ષના સૂત્રોનું માનવું છે કે આ અંગે તૈયારીઓ પણ પૂરજોશમાં શરૂ કરી દેવામાં આવી છે.
છત્તીસગઢમાં વિષ્ણુ દેવ સાય પણ સીએમ પદના શપથ લેશે
આજે છત્તીસગઢમાં વિષ્ણુ દેવ પણ સીએમ પદના શપથ લેવાના છે. તેમની સાથે બે નાયબ મુખ્યમંત્રી અરુણ સાઓ અને વિજય શર્મા પણ શપથ લેશે. વિષ્ણુ દેવનો શપથ ગ્રહણ સમારોહ (CM Oath Ceremony) રાયપુરના પોલીસ પરેડ ગ્રાઉન્ડમાં યોજાશે. પોલીસ પરેડ ગ્રાઉન્ડ ખાતે પ્રથમ ભાજપ સરકારની શપથ વિધિ પણ યોજાઇ હતી. ધારાસભ્ય દળની બેઠકમાં નવા ચૂંટાયેલા ધારાસભ્યોએ ભાજપના પૂર્વ પ્રદેશ અધ્યક્ષના નામને સર્વાનુમતે મંજૂરી આપી હતી.
