કોરોનાની નવી લહેરની આશંકા વચ્ચે આરોગ્ય પ્રધાને કરી રાજ્યો સાથે મીટિંગ, જાણો વિગત

કેન્દ્રીય સ્વાસ્થ્ય પ્રધાન મનસુખ માંડવિયાએ કહ્યું કે આપણે સતર્ક રહેવું પડશે અને બિનજરૂરી ભય ફેલાવવો નહીં

તસવીર સૌજન્ય: મનસુખ માંડવિયાનું ટ્વિટર એકાઉન્ટ

આ બેઠકમાં કેન્દ્રીય સ્વાસ્થ્ય પ્રધાન મનસુખ માંડવિયા (Mansukh Mandaviya)એ દેશમાં કોરોના વાયરસ (Coronavirus)ના વધતા જતા કેસ અંગે ચિંતા વ્યક્ત કરી છે. આ માટે તેમણે દેશમાં કોવિડ-19 (Covid-19)ની સ્થિતિ અંગે રાજ્યો અને કેન્દ્ર શાસિત પ્રદેશોના આરોગ્ય પ્રધાનો સાથે સમીક્ષા બેઠક યોજી હતી. આ દરમિયાન, કોવિડ પરીક્ષણ અને જીનોમ સિક્વન્સિંગની સાથે, નીચેના કોવિડ નિયમોનો ફેલાવો વધારવા પર ચર્ચા થઈ હતી. આ બેઠક દિલ્હીમાં કરવામાં આવી હતી.

`આપણે સાવચેત રહેવું જોઈએ`

ADVERTISEMENT

કેન્દ્રીય સ્વાસ્થ્ય પ્રધાન મનસુખ માંડવિયાએ કહ્યું કે આપણે સતર્ક રહેવું પડશે અને બિનજરૂરી ભય ફેલાવવો નહીં. તેમણે તમામ આરોગ્ય પ્રધાનોને કોવિડની સ્થિતિને ધ્યાનમાં રાખીને તેમના રાજ્યોમાં આરોગ્ય સુવિધાઓ અને માળખાકીય સુવિધાઓ અંગે સમીક્ષા બેઠક યોજવા વિનંતી કરી હતી. આ દરમિયાન તેમણે સમગ્ર દેશમાં કોવિડને લઈને 10 અને 11 એપ્રિલના રોજ મોકડ્રીલ કરવાની વાત કરી હતી. આ સાથે તેમણે રાજ્યોના સ્વાસ્થ્ય પ્રધાનોને હૉસ્પિટલોની મુલાકાત લેવા પણ કહ્યું છે.

સૂત્રોના જણાવ્યા અનુસાર, બેઠક દરમિયાન કેન્દ્રીય સ્વાસ્થ્ય પ્રધાને રાજ્ય સરકારોને કોરોનાના વધતા જતા કેસોને ધ્યાનમાં રાખીને તેમના સ્તરે તૈયારીઓ મજબૂત કરવા જણાવ્યું હતું. તેમણે કહ્યું કે લોકોને કોરોનાના વધતા જતા કેસો અંગે જાગૃત કરવા જોઈએ અને લોકોએ આ અંગે બેદરકારી દાખવવી જોઈએ નહીં.

કેન્દ્રીય સ્વાસ્થ્ય મંત્રાલયના 6 એપ્રિલના આંકડા મુજબ દેશમાં છેલ્લા 24 કલાકમાં કોરોનાના 5,335 કેસ નોંધાયા છે. આ આંકડો છેલ્લા 195 દિવસમાં સૌથી વધુ છે. અગાઉ ગયા વર્ષે 23 સપ્ટેમ્બરે 5,383 કેસ નોંધાયા હતા. આ સાથે દેશમાં સક્રિય કેસની સંખ્યા વધીને 25,587 થઈ ગઈ છે.

આ પણ વાંચો: લેજો રાહતનો શ્વાસ.. નહીં આવે કોરોનાની ચોથી લહેર! આવું કહેવું છે નિષ્ણાતોનું…

જોકે, વધતાં જતાં કેસના મામલે નિષ્ણાતોનું કહેવું છે કે, “કોવિડના કેસમાં હાલનો ઉછાળો એ નવી લહેરનો સંકેત નથી. આવનારા દિવસમાં કેસ ઓછા થઈ જશે. એપ્રિલના બીજા સપ્તાહથી કોરોના કેસમાં ઘટાડો શરૂ થવાની સંભાવના છે. જોકે, જેઓ પહેલાથી જ કોઈ ગંભીર બીમારીથી પીડિત છે અથવા જેઓ વૃદ્ધ દર્દીઓ છે તેમને વધારાની સાવચેતી રાખવાની સલાહ નિષ્ણાતોએ આપી છે. કારણકે, આવા લોકોને ચેપ લાગવાનું જોખમ વધારે છે.”