Agra: તાજ મહેલમાં ફોટોગ્રાફી કરતી વખતે ગાઇડે કરી અમેરિકન મહિલા સાથે અશ્લીલ હરકતો
પ્રતીકાત્મક તસવીર
આગ્રા (Agra)માં તાજ મહેલ (Taj Mahal) જોવા આવેલા એક વિદેશી પર્યટકની ટુરિસ્ટ ગાઈડ દ્વારા કથિત રીતે છેડતી કરવામાં આવી હતી. આ ફરિયાદના આધારે પોલીસે આરોપી ગાઈડ સામે ગુનો નોંધી તેની ધરપકડ કરી હતી. મીડિયા રિપોર્ટ્સ અનુસાર, પીડિત મહિલાનો આરોપ છે કે તાજમહેલની અંદર ફોટોગ્રાફી દરમિયાન ગાઈડે અશ્લીલ હરકતો કરી હતી અને તેની છેડતી કરી હતી.
એક મહિલા જે તેના પતિ સાથે અમેરિકા (America)થી આગ્રા ફરવા આવી હતી, જ્યારે તાજમહેલની અંદર ગઈ ત્યારે તેણે માહિતી આપવા માટે એક ગાઈડ મનમોહન આર્યને સાથે લીધો. આ દરમિયાન તેણે કેમ્પસની અંદર તેની ફોટોગ્રાફી પણ કરાવી હતી. મહિલાનો આરોપ છે કે તાજ મહેલના મુખ્ય ગુંબજની સામે સેન્ટ્રલ ટાંકીમાં ફોટોગ્રાફી દરમિયાન ગાઇડે કથિત રીતે અશ્લીલ હરકતો કરી હતી અને તેની છેડતી કરી હતી. પીડિત મહિલા પ્રવાસીએ આ અંગે સ્થાનિક ટૂરિસ્ટ પોલીસ સ્ટેશનમાં ફરિયાદ કરી હતી. પોલીસે આ મામલે ગુનો નોંધી આરોપી ગાઈડની ધરપકડ કરી તપાસ શરૂ કરી છે.
ADVERTISEMENT
યુનાઇટેડ સ્ટેટ્સનું આ કપલ શનિવારે સવારે દિલ્હીથી આગ્રા આવ્યું હતું અને તાજ મહેલ જોવા ગયા હતા. ACP તાજ સિક્યોરિટી સૈયદ અરીબ અહેમદે જણાવ્યું કે જ્યારે દંપતી સવારે અગિયાર વાગ્યે તાજ મહેલ પહોંચ્યું ત્યારે તેમને તાજગંજના રહેવાસી ગાઈડ મનમોહન આર્ય મળ્યા. તેણે કપલને કહ્યું કે તે તેમના ફોટોગ્રાફ્સ પણ લેશે.
એસીપીએ કહ્યું કે, તેણે સેન્ટ્રલ ટેન્ક પાસે અલગ-અલગ પોઝમાં મહિલા પ્રવાસીની તસવીરો લેવાનું શરૂ કર્યું. આ દરમિયાન પતિ આગળ વધ્યો. આરોપ છે કે આ દરમિયાન ગાઇડે મહિલાની છેડતી કરી હતી. થોડા સમય પછી પતિ પાછો ફર્યો તો પત્નીએ તેની છેડતી થઈ હોવાની ફરિયાદ કરી.
પ્રવાસીએ આ અંગે તાજમહેલના સુરક્ષાકર્મીઓને જાણ કરી હતી. તાજ મહેલના સુરક્ષાકર્મીઓએ આરોપીને કસ્ટડીમાં લીધો હતો. માહિતી મળતા પર્યટન પોલીસ પહોંચી અને મહિલા પ્રવાસીની ફરિયાદના આધારે આરોપી ગાઈડ વિરુદ્ધ છેડતીનો કેસ નોંધ્યો.
ACPએ જણાવ્યું કે, ગાઈડના કેટલાક પગલાથી પ્રવાસી નારાજ થયા. રિપોર્ટ નોંધ્યા બાદ તેને એસીપી છટ્ટાની કોર્ટમાં રજૂ કરવામાં આવ્યો હતો, જ્યાંથી તેને જેલમાં મોકલી દેવામાં આવ્યો છે.
ACP તાજ સિક્યુરિટીએ જણાવ્યું કે, સામાન્ય રીતે વિદેશી પ્રવાસીઓનું વર્તન સરળ હોય છે. તે તાજમહેલમાં અન્ય લોકો સાથે પણ વાત કરે છે. ગાઇડે એવું વર્તન કર્યું હતું કે મહિલા પ્રવાસી નારાજ થઈ ગઈ હતી. ત્યારબાદ તેણે તેના પતિને આ અંગે જણાવ્યું અને લેખિત ફરિયાદ નોંધાવી. આરોપી ગાઈડ વિરુદ્ધ ટુરિઝમ પોલીસ સ્ટેશનમાં છેડતીની ફરિયાદ નોંધાઈ છે. આ પછી તેને છટ્ટા એસીપીની કોર્ટમાં રજૂ કરવામાં આવ્યો હતો. અહીં તેને જેલમાં મોકલી દેવામાં આવ્યો હતો.
