આ 350 મીટર લાંબી ટનલનો વ્યાસ 12.6 મીટર અને ઊંચાઈ 10.25 મીટર છે. ઘોડાની નાળના આકારની આ ટનલમાં બે હાઇ સ્પીડ ટ્રેનના ટ્રેક હશે.મુંબઈ-અમદાવાદ હાઈ સ્પીડ રેલ કોરિડોર એટલે કે બુલેટ ટ્રેનના રૂટમાં પ્રથમ પર્વતીય ટનલ બનાવવામાં સફળતા પ્રાપ્ત થઈ છે.
બુલેટ ટ્રેન (પ્રતીકાત્મક ફોટો)
ગુજરાતના વલસાડમાં મુંબઈ-અમદાવાદ હાઈ સ્પીડ રેલ કોરિડોર એટલે કે બુલેટ ટ્રેનના રૂટમાં પ્રથમ પર્વતીય ટનલ બનાવવામાં સફળતા પ્રાપ્ત થઈ છે. આ કોરિડોર પર 350 કિલોમીટર પ્રતિ કલાકની ઝડપે ટ્રેનો દોડતી જોવા મળશે. અધિકારીઓએ આ માહિતી આપી હતી.
અધિકારીઓના જણાવ્યા અનુસાર, “આ 350 મીટર લાંબી ટનલનો વ્યાસ 12.6 મીટર અને ઊંચાઈ 10.25 મીટર છે. ઘોડાની નાળના આકારની આ ટનલમાં બે હાઇ સ્પીડ ટ્રેનના ટ્રેક હશે. નેશનલ હાઈ સ્પીડ રેલ કોર્પોરેશન લિમિટેડ (NHSRCL) એ મુંબઈ અને અમદાવાદ વચ્ચેના 508 કિલોમીટર લાંબા રૂટ પર વધુ છ ટનલ બનાવવાની યોજના બનાવી છે.
ADVERTISEMENT
વલસાડ વિભાગના મુખ્ય પ્રોજેક્ટ મેનેજર એસપી મિત્તલે ગુરુવારે પીટીઆઈને જણાવ્યું હતું કે, "સૌથી વધુ આનંદની વાત એ છે કે આ ભારતની પ્રથમ ટનલ છે, જેમાં 350 કિલોમીટર પ્રતિ કલાકની ઝડપે ટ્રેન પસાર થશે." તેમણે કહ્યું કે ટનલના બાંધકામના સમગ્ર સમયગાળા દરમિયાન એક પણ અપ્રિય ઘટનાનો સામનો કરવો પડ્યો નથી.
મિત્તલે વધુમાં કહ્યું કે, "અમારી સામે સૌથી મોટો પડકાર એ હતો કે ટનલનું અલાઈનમેન્ટ એકદમ સીધું કેવી રીતે રાખવું, કારણ કે બુલેટ ટ્રેન 350 કિલોમીટરની ઝડપે દોડશે અને સહેજ પણ વિચલન મોટો ખતરો પેદા કરી શકે છે. તેથી અમે દરેક કામ ખૂબ જ ઝીણવટપૂર્વક કર્યું અને તમે ટનલમાં એક મિલીમીટર પણ વળાંક જોશો નહીં. મિત્તલના જણાવ્યા અનુસાર, ટનલ બનાવવાનું કામ પૂર્ણ કરવામાં એક વર્ષથી વધુ સમય લાગ્યો હતો અને મોટી સંખ્યામાં કાર્યબળ હતું.
NHSRCL એ એક નિવેદનમાં જણાવ્યું હતું કે આ ટનલ `ન્યૂ ઓસ્ટ્રિયન ટનલ મેથડ` (NATM) નો ઉપયોગ કરીને બનાવવામાં આવી છે, જે ગુજરાતના વલસાડના ઉમ્બરગાંવ તાલુકાના જરોલી ગામથી લગભગ એક કિલોમીટર દૂર છે.
મુંબઈ-અમદાવાદ હાઈ-સ્પીડ રેલ કોરિડોરમાં પર્વતોમાંથી પસાર થતી સાત ટનલ હશે અને તે તમામનું નિર્માણ NATM દ્વારા કરવામાં આવશે.
આ હાઈ-સ્પીડ ટ્રેન કોરિડોરમાં મુંબઈના બાંદ્રા-કુર્લા કોમ્પ્લેક્સ અને થાણે જિલ્લાના શિલ્પહાટા વચ્ચે 21 કિલોમીટર લાંબી ટનલ પણ હશે, જેમાંથી સાત કિલોમીટર થાણે ક્રીક (ગલ્ફ)માં હશે, એટલે કે એટલે કે દરિયાની નીચેથી પસાર થતી દેશની આ પહેલી ટનલ હશે.
