અંબરનાથમાં આવેલા આનંદનગરની MIDCના રેસિનો ડ્રગ્સ નામના યુનિટમાં રવિવારે રાત્રે ૯.૩૦ વાગ્યે વિસ્ફોટ થવાની સાથે આગ લાગી હતી.
રેસિનો ડ્રગ્સ નામના યુનિટમાં વિસ્ફોટ થવાની સાથે આગ લાગી
અંબરનાથમાં આવેલા આનંદનગરની MIDCના રેસિનો ડ્રગ્સ નામના યુનિટમાં રવિવારે રાત્રે ૯.૩૦ વાગ્યે વિસ્ફોટ થવાની સાથે આગ લાગી હતી. આગ લાગી ત્યારે યુનિટમાં ૧૫ જેટલા કર્મચારીઓ હતા. આગ ઝડપથી પ્રસરતાં આસપાસનાં ચાર યુનિટ પણ આગમાં ખાખ થઈ ગયાં હતાં. ફાયર-બ્રિગેડના પ્રવક્તાના જણાવ્યા મુજબ રવિવારે રાત્રે લાગેલી આગ કેમિકલને લીધે આસપાસમાં ફેલાઈ ગઈ હતી એટલે એને કાબૂમાં લેવા માટે અંબરનાથ, બદલાપુર, ઉલ્હાસનગર અને કલ્યાણ-ડોમ્બિવલીમાંથી ગાડીઓ મગાવવામાં આવી હતી. સોમવારે સવારના ભારે જહેમત બાદ આગને કાબૂમાં લેવામાં આવી હતી. આ ઘટનામાં જે યુનિટમાં આગ લાગી હતી એના માલિક દાઝી ગયા છે. એ સિવાય કોઈને ઈજા નથી થઈ.
