અમિતાભ બચ્ચનને મુંબઈના હોસ્પિટલમાં દાખલ (Amitabh Bachchan Reached The Hospital) કરવામાં આવ્યાં છે. તેમની નાદુરસ્ત તબિયતને કારણે તેઓ હોસ્પિટલ પહોંચ્યાં છે.
અમિતાભ બચ્ચન
Amitabh Bachchan Reached The Hospital: મેગાસ્ટાર અમિતાભ બચ્ચન સાથે જોડાયેલ દરેક અપડેટ દરરોજ બહાર આવતી રહે છે, જે ચાહકોમાં ચર્ચાનો વિષય બની રહે છે. પરંતુ હાલમાં બિગ બી વિશે જે સમાચાર સામે આવી રહ્યા છે તે તેના ફેન્સને ચોંકાવી દે તેવા છે. કહેવામાં આવી રહ્યું છે કે ખરાબ તબિયતના કારણે અમિતાભ બચ્ચન મુંબઈની એક ખાનગી હોસ્પિટલમાં પહોંચ્યા છે. આ માહિતી સામે આવ્યા બાદ તેના ચાહકોની ચિંતા વધી ગઈ છે. આ સિવાય બિગ બીના સ્વાસ્થ્યને લઈને સોશિયલ મીડિયા પર પણ વિવિધ દાવાઓ કરવામાં આવી રહ્યા છે.
અમિતાભ બચ્ચન હોસ્પિટલ કેમ પહોંચ્યા?
ADVERTISEMENT
15 માર્ચે, અમિતાભ બચ્ચનનું નામ તેમની હોસ્પિટલની મુલાકાતને લઈને સતત હેડલાઇન્સમાં છે. પ્રાપ્ત માહિતી અનુસાર, બિગ બી રૂટીન ચેકઅપ માટે હોસ્પિટલ ગયા છે. તેમના સંબંધમાં અનેક પ્રકારના સમાચારો આ સમયે જોર પકડી રહ્યા છે.
ઘણા મીડિયા રિપોર્ટ્સમાં દાવો કરવામાં આવી રહ્યો છે કે અમિતાભ બચ્ચને હાર્ટ સર્જરી કરાવી છે. જ્યારે અન્ય સમાચારોમાં એવું પણ કહેવામાં આવી રહ્યું છે કે બિગ બીએ તેમના પગની એન્જિયોપ્લાસ્ટી પણ કરાવી છે. જો કે, આ દાવાઓનો કોઈ સત્તાવાર પુરાવો ઉપલબ્ધ નહતો.
થોડા સમય પહેલા જ શુક્રવારે અમિતાભ બચ્ચને પોતાના X એકાઉન્ટ પર એક લેટેસ્ટ ટ્વીટ કર્યું હતું. જેમાં તેણે લખ્યું છે-આંખો ખોલો અને જુઓ, કાન ખોલો અને સાંભળો, મુંબઈ માઝીનું સ્વાગત થશે. વાસ્તવમાં, બિગ બીનું આ ટ્વીટ તેમની ISPL ક્રિકેટ ટીમ માટે છે અને તેના પરથી એવો પણ અંદાજ લગાવી શકાય છે કે તેઓ હોસ્પિટલમાં દાખલ થવા માટે નહીં પરંતુ નિયમિત ચેકઅપ માટે ગયા છે.
નોંધનીય છે કે અત્યાર સુધી અમિતાભ બચ્ચનના સ્વાસ્થ્યને લઈ કોઈ સત્તાવાર પુષ્ટી નહોતી થઈ. પણ હવે સામે આવ્યું છે કે ડૉક્ટર્સ દ્વારા ખાતરી આપવામાં આવી છે કે બિગ બીની એન્જિયોપ્લાસ્ટી કરવામાં આવી છે.
આ ફિલ્મમાં અમિતાભ બચ્ચન જોવા મળશે
ગત વર્ષે અમિતાભ બચ્ચન એક્ટર ટાઈગર શ્રોફની એક્શન થ્રિલર ગણપતમાં જોવા મળ્યા હતા. જોકે, આ ફિલ્મ બોક્સ ઓફિસ પર કંઈ ખાસ કમાલ કરી શકી નથી. જો આપણે તેની આગામી ફિલ્મ જોઈએ તો તેનું નામ પ્રોજેક્ટ K છે, જેમાં તે દીપિકા પાદુકોણ અને પ્રભાસ સાથે સ્ક્રીન શેર કરશે.
