આ કાર્ટૂન દ્વારા તેમણે સંકેત આપ્યો કે શરદ પવારના રાજીનામાના સમગ્ર એપિસોડ પાછળનું મુખ્ય કારણ અજિત પવાર છે
ફાઇલ તસવીર
મહારાષ્ટ્રમાં હાઈ વૉલ્ટેજ રાજકીય ડ્રામા વચ્ચે વિવિધ રાજકારણીઓના નિવેદનો સામે આવી રહ્યા છે. જોકે, આ પ્રસંગે MNS પ્રમુખ રાજ ઠાકરે (Raj Thackeray)એ મૌન સેવ્યું છે. એક ઇવેન્ટમાં જ્યારે તેમને મહારાષ્ટ્રની રાજનીતિ (Maharashtra Politics)ની વર્તમાન સ્થિતિ વિશે તેમના મંતવ્યો આપવાનું કહેવામાં આવ્યું ત્યારે તેમણે અજિત પવાર (Ajit Pawar)નું કાર્ટૂન દોર્યું હતું.
આ કાર્ટૂન દ્વારા તેમણે સંકેત આપ્યો કે શરદ પવાર (Sharad Pawar)ના રાજીનામાના સમગ્ર એપિસોડ પાછળનું મુખ્ય કારણ અજિત પવાર છે. આ સમગ્ર નિર્ણય તેમના પર કેન્દ્રિત છે. રાજ ઠાકરે, જેઓ એક કાર્ટૂનિસ્ટ પણ છે, તેમણે આ મુદ્દે અત્યાર સુધી કોઈ ટિપ્પણી કરી નથી, સિવાય કે તેમણે પોતે પુણે ઈન્ટરનેશનલ કાર્ટૂન ફેસ્ટિવલના ઉદ્ઘાટન વખતે આ કાર્ટૂન દોર્યું હતું.
ADVERTISEMENT
અગાઉ, અજિત પવાર ભાજપમાં જોડાયા હોવાના અહેવાલો વચ્ચે રાજ ઠાકરેએ કહ્યું હતું કે અજિત પવાર ભાજપને સમર્થન આપી શકે છે. જોકે, તેમણે આ સમયે તેના કાકા પર ધ્યાન કેન્દ્રિત કરવું જોઈએ. અજિતે પણ આનો બદલો લેતા કહ્યું કે, ‘જે રીતે રાજ ઠાકરે તેના કાકા પર ધ્યાન આપતા હતા તે જ રીતે હું પણ મારા કાકા પર ધ્યાન આપીશ.” તે જાણીતું છે કે રાજ ઠાકરેએ 2006માં તેમના કાકા બાળાસાહેબની શિવસેના છોડીને MNS શરૂ કરી હતી.
શરદ પવારે પાછું ખેચ્યું રાજીનામું
શરદ પવારે શુક્રવારે (5 મે) એક પ્રેસ કોન્ફરન્સમાં NCPના રાષ્ટ્રીય અધ્યક્ષ પદ પરથી રાજીનામું પાછું ખેંચવાની જાહેરાત કરી હતી. તેમણે કહ્યું કે, “હું તમારી ભાવનાઓનું અપમાન ન કરી શકું. હું રાજીનામું પાછું ખેંચવાની તમારી માગનું સન્માન કરું છું. હું રાષ્ટ્રવાદી કૉંગ્રેસ પાર્ટીના રાષ્ટ્રીય અધ્યક્ષ પદેથી રાજીનામું આપવાનો મારો નિર્ણય પાછો ખેંચું છું.”
આ પણ વાંચો: હાઈ વૉલ્ટેજ ડ્રામાનું થઈ ગયું સુરસુરિયું
રાજીનામા બાદ હોબાળો થયો
વાસ્તવમાં, શરદ પવારે મંગળવારે (2 મે)ના રોજ NCP અધ્યક્ષ પદ પરથી રાજીનામું આપવાની જાહેરાત કરી હતી. આ પછી પાર્ટીમાં હોબાળો મચી ગયો હતો. આ પછી શરદ પવારે એનસીપીના નવા અધ્યક્ષની પસંદગી માટે એક સમિતિની રચના પણ કરી હતી, જેમાં તેમની પુત્રી સુપ્રિયા સુલે, તેમના ભત્રીજા અજિત પવાર, વરિષ્ઠ નેતા પ્રફુલ પટેલ અને છગન ભુજબળ સામેલ હતા. તેમના રાજીનામાના નિર્ણય બાદ ભારે હોબાળો થયો હતો.
