નિતિન ગડકરીએ તે ઘટના યાદ અપાવી જ્યારે રતન તાતાએ એક એવો પ્રશ્ન પૂછ્યો જેને સાંભળીને નિતિન ગડકરી પણ ચોંકી ગયા હતા. અહીં જાણો શું છે આખી ઘટના.
નિતિન ગડકરી (ફાઈલ તસવીર)
દેશના કેન્દ્રીય મંત્રી નિતિન ગડકરી (Central Minister Nitin Gadkari)ઘણીવાર પોતાના ભાષણમાં કોઇક ને કોઇક જૂની વાતનો ઉલ્લેખ કરતા રહે છે. ગુરુવારે પણ તેમણે એવા જ એક પ્રસંગનો ઉલ્લેખ કર્યો, જે દેશના જાણીતા ઉદ્યોગપતિ રતન તાતા (Ratan Tata) સાથે જોડાયેલો છે. હકિકતે નિતિન ગડકરીએ તે ઘટના યાદ અપાવી જ્યારે રતન તાતાએ એક એવો પ્રશ્ન પૂછ્યો જેને સાંભળીને નિતિન ગડકરી પણ ચોંકી ગયા હતા. અહીં જાણો શું છે આખી ઘટના.
રતન તાતાની સાદગી, કર્મચારીઓ અને જનતા પ્રત્યે સારી ભાવનાથી દરેક જણ પરિચિત છે. નિતિન ગડકરીએ એક કાર્યક્રમ દરમિયાન જણાવ્યું હતું કે તે મહારાષ્ટ્ર સરકારમાં મંત્રી હતા. ત્યારે તેમને આરએસએસના એક પદાધિકારીએ રતન તાતાને એક હૉસ્પિટલના ઉદ્ઘાટન સમારોહમાં બોલાવવા માટે આગ્રહ કર્યો હતો. જ્યારે રતન તાતા હૉસ્પિટલના ઉદ્ઘાટન માટે પહોંચ્યા. ત્યારે તેમણે એક એવો પ્રશ્ન પૂછ્યો જેને સાંભળીને ગડકરી ચોંકી ગયા હતા. હકિકતે રતન તાતાએ પૂછ્યું કે શું આ હૉસ્પિટલ માત્ર હિંદુઓ માટે છે. જેના જવાબમાં ગડકરીએ પ્રશ્ન કર્યો તે તેમને એવું કેમ લાગે છે.
ADVERTISEMENT
When I was a min in Maharashtra govt,one of the RSS functionaries requested me to bring Ratan Tata to inaugurate a hospital. During inauguration,Ratan Tata asked me if this hospital is only for Hindu community,to which I asked him why he feels that?: Union Min Nitin Gadkari (1/2) pic.twitter.com/BevZBI1zJU
— ANI (@ANI) April 14, 2022
નિતિન ગડકરીના પ્રશ્ન પર રતન તાતાએ કહ્યું કારણકે આ હૉસ્પિટલ આરએસએસની છે. ત્યારે ગડકરીએ કહ્યું કે આવું બિલકુલ પણ નથી. આ હૉસ્પિટલ સમાજના બધા સમુદાયો માટે છે. તેમણે કહ્યું કે આરએસએસમાં આ પ્રકારની કોઈપણ વસ્તુ નથી. આ વાત ગડકરીએ પુણેમાં એક હૉસ્પિટલના ઉદ્ઘાટન સમારોહમાં જણાવી છે.
He (Ratan Tata) replied as it is an RSS hospital. I told him that it is for every community and there is nothing like this in RSS: Union Minister Nitin Gadkari at the inauguration of a hospital in Pune, Maharashtra (2/2)
— ANI (@ANI) April 14, 2022
નિતિન ગડકરી એક દૂરદર્શી નેતા
મહારાષ્ટ્ર અને દેશમાં નિતિન ગડકરીને એક દૂરદર્શી નેતા તરીકે ઓળખવામાં આવે છે. મહારાષ્ટ્ર સરકારમાં મંત્રી રહેતા તે કરી બતાવ્યું છે જેના વિશે કોઈએ ત્યારે વિચાર્યું પણ નહીં હોય. પોતાના કાર્યકાળમાં તેમણે મુંબઈ-પુણે એક્સપ્રેસ હાઈવે સહિત ડઝનેક ફ્લાઈઓવર બનાવ્યા હતા. ત્યારે રાજ્યમાં યુતિ (શિવસેના-બીજેપી)ની સરકાર હતી. હાલના સમયમાં પણ નિતિન ગડકરી પોતાના કાર્યો દ્વારા ચર્ચાઓમાં છવાયેલા રહે છે.
